November 2, 2020 
தண்டோரா குழு
அமெரிக்க பூர்வகுடி மக்களின் வரலாறு, கலாச்சாரம் மற்றும் ஆன்மீக முறைகளை அறிந்து கொள்வதற்காக ஈஷா அறக்கட்டளை நிறுவனர் சத்குரு மேற்கொண்ட மோட்டார் சைக்கிள் பயணம் இனிதே நிறைவு பெற்றது.
டென்னஸி மாகாணத்தில் உள்ள ஈஷா உள்நிலை அறிவியல் மையத்தில் (Isha Institute of Inner Science) இருந்து மஹாளய அமாவாசை தினமான செப்டம்பர் 17-ம் தேதி அவர் தனது பயணத்தை தொடங்கினார். அங்கிருந்து, செருக்கி லேண்ட்ஸ், கொமான்ச்சி, மிஸிஸிபி, இல்லினாய்ஸ், மிசவ்ரி, நியூ மெக்ஸிகோ, கொலோரடோ உள்ளிட்ட 19 மாகாணங்களுக்கு பயணம் செய்தார்.
பயணத்தின் வழிநெடுகிலும் அமெரிக்க பூர்வகுடி மக்களின் கலாச்சார முக்கியத்துவம் மிகுந்த பல்வேறு இடங்களுக்கு அவர் சென்றார். குறிப்பாக, அமெரிக்காவின் முதல் தேசிய சின்னமாக கருதப்படும் 867 அடி உயரம் கொண்ட மடோ திப்பிலா கோபுரத்தையும் பார்வையிட்டார். இந்த இடத்தை 20 மாகாணங்களைச் சேர்ந்த பூர்வகுடி மக்கள் புனித ஸ்தலமாக கருதுகின்றனர்.
இதேபோல், லகோட்டா மற்றும் க்ரொவ் மாகாணத்தின் தலைவர்களை நேரில் சந்தித்து கலந்துரையாடினார். மேலும், பூர்வகுடி மக்களின் தினமாக அனுசரிக்கப்படும் அக்டோபர் 12-ம் தேதி கிராமி விருது வென்ற புகழ்பெற்ற ப்ளாக் ஐட் பீஸ் (Black Eyed Peas) இசை குழுவினருடன் ஆன்லைன் வாயிலாக கலந்துரையாடினார்.
இந்தப் பயணத்திற்கு இடையே பிரபல ஹாலிவுட் நடிகர் வில் ஸ்மித் மற்றும் அவரது குடும்பத்தினர் சத்குருவை சந்தித்து பேசினர். ஸ்மித்தின் இல்லத்தில் நடந்த இந்த நிகழ்வின் போது, அவரது குடும்பத்தினர் சத்குருவுக்கு சிறப்பான வரவேற்பு அளித்தனர். ஆன்மீகம் தொடர்பான பல்வேறு விஷயங்கள் குறித்து அவர்கள் கலந்துரையாடினர்.
26 நாட்களாக தொடர்ந்த இந்த மோட்டார் சைக்கிள் பயணம் சில தினங்களுக்கு முன் இனிதே நிறைவு பெற்றது.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
