August 4, 2020 
தண்டோரா குழு
கோவையில் கந்த சஷ்டி கவசத்தை இழிவுபடுத்திய கருப்பர் கூட்டத்தை கண்டித்தும், குறிப்பிட்ட யூடியூப் சேனல் நிர்வாகிகள் மீது தேசிய பாதுகாப்பு சட்டத்தின் கீழ் நடவடிக்கை எடுக்க கோரியும் பாஜக இளைஞரணி சார்பில் வேல் பூஜை நடத்தப்பட்டது.
கந்த சஷ்டிக் கவசத்தையும் தமிழ் கடவுள் முருகனையும் இழிவுபடுத்திய கருப்பர் கூட்டம் என்ற யூடியூப் சேனல் சேனலை கண்டித்து பாஜக மற்றும் இந்து அமைப்புகள் சார்பில் தொடர் போராட்டங்கள் நடத்தப்பட்டு வருகின்றது. இந்த நிலையில் குறிப்பிட்ட யூடியூப் சேனல் நிர்வாகிகள் மீது தேசிய பாதுகாப்பு சட்டத்தின் கீழ் நடவடிக்கை எடுக்க கோரி கோவை மாநகரத்தின் நூற்றுக்கும் மேற்பட்ட பகுதிகளில் கந்தன் புகழைப் பாடி போராட்டம் நடைபெற்றது.
இதன் ஒரு பகுதியாக கோவை ராம்நகரில் மாவட்ட பாஜக பொதுச்செயலாளரும், கந்தன் படையின் கோவை நகர பொறுப்பாளருமான ரமேஷ் குமார் தலைமையில் பாஜக இளைஞரணி சார்பில் வேல் பூஜையானது நடத்தப்பட்டது. அப்போது முருகன் புகழை பரப்பும் விதமாக பாடல்கள் பாடியும், ஆட்டம் ஆடியும் கருப்பர் கூட்டம் என்ற யூடியூப் சேனலுக்கு எதிராக பாஜகவினர் தங்கள் எதிர்ப்பை பதிவு செய்தனர். அதேபோல காவடி ஆட்டம், ஒயிலாட்டம், மயிலாட்டம் உள்ளிட்ட பக்தியை வெளிக்காட்டும் விதமான நடனங்களை போராட்டத்தின்போது அரங்கேற்றி தங்கள் நிலையை பாஜகவினர் வெளிப்படுத்தினர். இதனைத் தொடர்ந்து செய்தியாளர்களிடம் பேசிய மாவட்ட பொதுச்செயலாளர் ரமேஷ் குமார் கருப்பர் கூட்டம் என்ற யூடியூப் சேனல் நிர்வாகிகள் மீது தேசிய பாதுகாப்பு சட்டம் பாய வேண்டும் என்றும், அதற்கு தமிழக அரசு விரைவான நடவடிக்கை எடுக்க வேண்டும் என்றும் கோரிக்கை விடுத்தார்.
ஜெம் மருத்துவமனை மற்றும் இந்திய கல்லீரல் மாற்று அறுவை சிகிச்சை சங்கம் சார்பில் தேசிய கல்லீரல் மாற்று அறுவை சிகிச்சை மாநாடு மற்றும் மேம்பட்ட மருத்துவ பயிற்சி
வி.ஜி.எம். அறக்கட்டளை மற்றும் கரூர் வைஸ்யா வங்கி இணைந்து அதிநவீன இரத்த வங்கியை தொடங்கியுள்ளது
சுந்தரி கிருஷ்ணகுமார் காலமானார்
விபத்தில் உயிரிழந்தவர்களுக்கு அஞ்சலி செலுத்திய கேம்போர்டு இன்டர்நேஷனல் பள்ளி மாணவர்கள்
ஸ்கோடா பிராண்ட் இந்தியாவில் நன்கு வலுப்படுத்தி, 2025-ஆம் ஆண்டு ஒரு வளர்ச்சியின் ஆண்டாக உருவாகிவருகிறது
கோவையில் 3 நாட்கள் நடைபெறும் ஆசிய நுண்கலை நகை கண்காட்சி 2025 இன்று துவங்கியது !
