February 4, 2020 
தண்டோரா குழு
துருவங்கள் பதினாறு’ படத்தின் மூலம் கோலிவுட் இயக்குனராக அறிமுகமானவர் கார்த்திக் நரேன். தனது முதல் படத்திலேயே அனைவரது கவனத்தையும் தன் பக்கம் ஈர்த்துள்ளார்.கார்த்திக் நரேன் இயக்கிய நரகாசுரன் திரைப்படம் ஒரு சில காரணங்களால் இன்னும் ரிலீஸ் ஆகவில்லை என்றாலும், இவர் இயக்கிய அடுத்த திரைப்படமான ’மாபியா’ என்ற திரைப்படம் இம்மாதம் வெளியாக உள்ளது.
இந்நிலையில் கார்த்திக் நரேன் இயக்கும் அடுத்த படத்தில் தனுஷ் நடிக்க உள்ளதாக அதிகாரப்பூர்வமாக அறிவிக்கப்பட்டுள்ளது. தனுஷின் 43 வது படமாக உருவாகும் இந்த படத்திற்கு ஜிவி பிரகாஷ் இசையமைக்க இருப்பதாகவும் இந்த படத்தை தனுஷ் நடித்த ’பட்டாஸ்’ திரைப்படத்தை தயாரித்த சத்யஜோதி நிறுவனம் தயாரிக்க இருப்பதாகவும் அறிவிக்கப்பட்டுள்ளது.
தனுஷ் தற்போது மாரி செல்வராஜ் இயக்கத்தில் ‘கர்ணன்’ என்ற படத்தில் நடித்து வருகிறார். இந்த படத்தின் படப்பிடிப்பு விரைவில் நிறைவடையவுள்ளது.
For English News
