February 3, 2020 
தண்டோரா குழு
2015ம் ஆண்டு ரவிக்குமார் இயக்கத்தில் வெளியான ‘இன்று நேற்று நாளை ரசிகர்கள் மத்தியில் நல்ல வரவேற்பை பெற்றது. இப்படத்தை தொடர்ந்து ரவிக்குமார் அடுத்ததாக சிவகார்த்திகேயனை ஹீரோவாக வைத்து ஏ.ஆர்.ரஹ்மான் இசையில் தனது அடுத்த படத்தை கடந்த சில மாதங்களுக்கு முன்பு துவங்கினார்.
இப்படத்தை கே.ஜே.ஆர் ஸ்டூடியோஸுடன் இணைந்து 24 AM ஸ்டூடியோஸ் நிறுவனம் இணைந்து தயாரித்து வருகிறது. இந்நிலையில், இப்படத்தின் டைட்டிலை ஏ.ஆர்.ரஹ்மான் தனது ட்விட்டர் பக்கத்தில் வெளியிட்டார். “சிவகார்த்திகேயனின் 14-வது திரைப்படமான இப்படத்திற்கு அயலான்’ எனத் தலைப்பிடப்பட்டுள்ளது. Ayalaan – Destination : Earth” என தலைப்பிடப்பட்டுள்ள இப்படம் ஏலியன் தொடர்பான கதையாக இருக்கும் எனக் கூறப்படுகிறது. மேலும் இப்படத்தின் கூட்டணி ரசிகர்களிடையே பெரும் எதிர்பார்ப்பை ஏற்படுத்தியுள்ளது.
For English News
