October 2, 2019 
தண்டோரா குழு
அட்லீ இயக்கத்தில் உருவாகும் பிகில் படத்தை தொடர்ந்து லோகேஷ் கனகராஜ் இயக்கத்தில் உருவாகும் படத்தில் நடிக்கத் தேதிகள் ஒதுக்கியுள்ளார் நடிகர் விஜய். அனிருத் இசையமைக்கவுள்ள இந்தப் படத்தை சேவியர் பிரிட்டோ தயாரிக்கவுள்ளார். இப்படத்தின் படப்பிடிப்பு அக்டோபர் மாதம் தொடங்க வுள்ளதாகத் தகவல் வெளியாகியுள்ளது. இப்படத்திற்காக கடந்த சில நாட்களாகவே விஜய்யுடன் நடிக்கவுள்ளவர்கள் தேர்வு மும்முரமாக நடைபெற்று வந்தது.
நேற்று முன் தினத்தில் இருந்து தொடர்ந்து மூன்று நாட்களுக்கு 5 மணிக்கு தளபதி 64 படத்தை பற்றின அறிவிப்பு வெளியாகும் என்று படக்குழு அறிவித்து இருந்தது. அதன்படி விஜய் சேதுபதி, மலையாள நடிகர் ஆண்டனி வர்ஹிஸ் ஆகியோர் ஒப்பந்தம் செய்யப்பட்டுள்ளதாக படக்குழு அறிவித்தது,
இந்நிலையில் இப்படத்தில் விஜய்க்கு ஜோடியாக பேட்ட படத்தில் சசிகுமாருக்கு ஜோடியாக நடித்த மாளவிகா மோகனன் நடிக்கவுள்ளதாக படக்குழு அதிகாரப்பூர்வமாக அறிவித்துள்ளது. மேலும், இப்படத்தில் சாந்தனு பாக்கியராஜும் நடிக்கவுள்ளார் என்பது குறிப்பிடத்தக்கது.
For English News
