June 8, 2019 
தண்டோரா குழு
சிம்பு அடுத்ததாக வெங்கட் பிரபு இயக்கத்தில் நடிக்கவுள்ளதாக கூறப்பட்டது.இப்படத்தை அமைதிப்படை-2, கங்காரு ஆகிய படங்களை தயாரித்த தயாரிப்பாளர் சுரேஷ் காமாட்சியின் வி ஹவுஸ் புரொடக்சன்ஸ் நிறுவனம் தயாரிக்கிறது.
மாநாடு படத்திற்காக சிம்பு வெளிநாடு சென்று உடல் எடையெல்லாம் குறைத்து ஓரளவிற்கு பிட்டாக வந்துள்ளார். இப்படத்திற்கு இசையமைப்பாளராக யுவன்ஷங்கர் ராஜா ஒப்பந்தமாகியுள்ளார். மேலும் இந்த படத்தின் நாயகியாக நடிகை கல்யாணி பிரியதர்ஷன் நடிக்கவுள்ளார். இப்படத்தில் முக்கிய கதாபாத்திரத்தில் இயக்குநர் பாரதி ராஜா நடிக்கவுள்ளார் என்றும் கூறப்படுகிறது..
இந்நிலையில், இப்படத்தின் படப்பிடிப்பு ஜூன்-25ஆம் தேதி மலேசியாவில் பாடல் காட்சியுடன் துவங்க இருக்கிறது என அதிகாரப் பூர்வமாக அறிவிக்கப்பட்டுள்ளது. பாடலுடன் சில முக்கியமான காட்சிகளும் அங்கு படமாக்கப்பட உள்ளன.
முழுக்க முழுக்க அரசியல் கதைக்களத்தில் இந்தப்படம் உருவாகிறது. சிம்பு இதுவரை நடித்த படங்களிலேயே அதிக பட்ஜெட்டில் உருவாக இருக்கும் படம் இது என்பது குறிப்பிடத்தக்கது.
For English News
