April 26, 2019 
தண்டோரா குழு
கமல்ஹாசனின் மகளான ஸ்ருதி ஹாசன் 7-ஆம் அறிவு படத்தின் மூலம் தமிழ் சினிமாவில் அறிமுகமானார். அதன் பின் வேதாளம் உள்ளிட்ட பல்வேறு படங்களில் நடித்து முன்னணி நடிகையாக இருக்கிறார். இவர், லண்டனை சேர்ந்த நாடக கலைஞர் மைக்கேல் கார்சேல் என்பவரை காதலித்து வந்தார். காதலன் மைக்கேலை தமிழ்நாட்டிற்கு அழைத்து வந்து, தந்தை கமலுக்கு ஸ்ருதி அறிமுகம் செய்து வைத்திருந்தார். இவர்கள் இருவரும் திருமணம் செய்து கொள்ள நடிகர் கமல்ஹாசன் சம்மதம் தெரிவித்து இருந்தாக கூறப்பட்டது.
இந்நிலையில், தற்போது லண்டன் லவ்வருடனான நடிகை ஸ்ருதி ஹாசனின் காதல் முடிவுக்கு வந்துள்ளது. இருவரும் பரஸ்பர புரிந்துணர்வுடன் பிரிவதாக ஸ்ருதியின் காதலர் மைக்கேல் கார்சேல் அறிவித்துள்ளார். இன்ஸ்டாகிராமில் ஸ்ருதி உடன் இருக்கும் புகைப்படத்தை பதிவேற்றம் செய்துள்ள மைக்கேல் கார்கேல், இந்த இளம் பெண் (ஸ்ருதி) எப்போது எனது பிரியமான தோழியாக இருப்பார். அவரை நண்பராக பெற்றதை நான் சிறப்பாக உணர்கிறேன். லவ் யு கேல்’ என்று கூறியுள்ளார்.
அதைபோல் நடிகை ஸ்ருதிஹாசன் தனது சமூக வலைதள பக்கத்தில் “மீண்டும் ஒரு புதிய ஆரம்பம். காதல் அனுபவங்களுக்கு நன்றி. இனிமேல் சினிமா, இசை ஆகியவற்றில் அதிக கவனம் செலுத்தவுள்ளேன். இருப்பினும் ஒரு சிறந்த காதல்” என்று பதிவிட்டுள்ளார். இதுமட்டுமின்றி அவரது சமூக வலைத்தளத்தில் பதிவு செய்யப்பட்டிருந்த மைக்கேலின் புகைப்படங்களை அவர் நீக்கியுள்ளார். இந்த பதிவை பார்த்து ஸ்ருதியின் ரசிகர்கள் அதிர்ச்சி அடைந்துள்ளனர். மீண்டும் இருவருக்கும் இடையே லவ் ஏற்படும் என அவர்கள் கமென்ட் செய்து வருகின்றனர்.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
