April 22, 2019 
தண்டோரா குழு
நடிகை ஸ்ருதிஹாசன் தமிழ் மட்டுமல்லாது, தெலுங்கு, ஹிந்தி ஆகிய மொழிகளிலும் கடந்த இரண்டு ஆண்டுகளாக நடிக்காமலே இருந்தார்.
ஸ்ருதிஹாசன் தற்போது விஜய் சேதுபதி ஜோடியாக ஒரு புதிய படத்தில் நடிக்க உள்ளார். ‘இயற்கை, ஈ, பேராண்மை, புறம்போக்கு என்கிற பொதுவுடமை’ ஆகிய படங்களை இயக்கிய எஸ்.பி.ஜனநாதன். இயக்கத்தில் விஜய் சேதுபதி நடிக்க உள்ள புதிய படத்தில்தான் ஸ்ருதிஹாசன் அவருக்கு ஜோடியாக நடிக்க உள்ளார்.
லாபம் என பெயரிடப்பட்டுள்ள இப்படத்தை விஜய் சேதுபதியின் சொந்த தயாரிப்பு நிறுவனமான விஜய்சேதுபதி புரோடக்சன்ஸ் மற்றும் இயக்குநர் ஆறுமுக குமாரின் 7 சி.எஸ் எண்டர்டைமெண்ட் நிறுவனமும் இப்படத்தை தயாரிக்கவுள்ளது. மேலும், ஜெகபதி பாபு, கலையரசன் ஆகியோரும் முக்கிய கதாபாத்திரத்தில் நடிக்கின்றனர்.
டி.இமான் இசையமைக்கும் இப்படத்தின் படப்பிடிப்பு ராஜ பாளையத்தில் பூஜையுடன் இன்று துவங்கியது. ’96’ படம் மூலம் த்ரிஷாவுக்கு ஒரு ரீ-என்ட்ரி கொடுத்த விஜய் சேதுபதி, இந்தப் படத்தில் ஸ்ருதிக்கும் ஒரு ரீ-என்ட்ரி கொடுப்பார் என எதிர்பார்க்கலாம்.
For English News
