April 17, 2019 
தண்டோரா குழு
கார்த்திக் சுப்புராஜின் பேட்ட படத்தின் வெற்றியை தொடர்ந்து ரஜினி ஏ.ஆர்.முருகதாஸ் இயக்கத்தில் தர்பார் படத்தில் நடித்து வருகிறார். இப்படத்தின் பர்ஸ்ட் லுக் அண்மையயில் வெளியானது. மும்பையை கதைக்களமாக கொண்டு உருவாகும் இந்த படத்தின் படப்பிடிப்பு கடந்த சில நாட்களுக்கு முன் தொடங்கியது.
இப்படத்தை ரஜினியின் 2.O படத்தை தயாரித்த லைக்கா நிறுவனமே தயாரிக்கிறது. ரஜினிக்கு ஜோடியாக நடிகை நயன்தாரா நடிக்கிறார். படத்திற்கு அனிருத் இசையமைக்கிறார். இப்படம் அடுத்த ஆண்டு பொங்கலுக்கு வெளியாகம் என படக்குழு அறிவித்துள்ளது.இந்நிலையில், இப்படத்தில் ரஜினிக்கு வில்லியாக நயன்தாரா நடிப்பதாக புதிய தகவல் கசிந்து வருகிறது. மேலும் தந்தை மகள் பாசத்தை மையமாக வைத்து இப்படம் உருவாகிவருவதாகவும், மகளாக நிவேதா தாமஸ் நடிப்பதாகவும் கூறப்படுகிறது. இப்படத்திற்காக 60 நாட்கள் நயன்தாரா கால்ஷீட் ஒதுக்கியுள்ளதாகவும் தகவல் வெளியாகியுள்ளது.
For English News
