September 15, 2016 
தண்டோரா குழு
தமிழகத்தில் நாளை நடைபெறவுள்ள முழுஅடைப்புக்கு ஆதரவாக தமிழகம் முழுவதும் நாளை படப்பிடிப்புகள் ரத்து செய்யப்படும் என தமிழ் திரைப்பட தயாரிப்பாளர்கள் சங்க தலைவர் தாணு அறிவித்துள்ளார்.
காவரி விவகாரத்தில் கர்நாடகாவில் தமிழர்கள் தாக்கப்படுவதை கண்டித்து நாளை நடைபெறவுள்ள முழு அடைப்பு போராட்டத்தில் திரைப்படத்துறையினர் பங்கேற்பார்கள் என்று திரைப்படக் கூட்டமைப்பு அறிவித்துள்ளது.இது தொடர்பாக திரைப்படக் கூட்டமைப்பு வெளியிட்ட அறிக்கையில், கர்நாடகாவில் தமிழர்கள் தாக்கப்படுவதற்கு கண்டனம் தெரிவித்து நாளை நடைபெறும் போராட்டத்தில் ஒட்டுமொத்த தமிழ் திரையுலகமும் கலந்துகொள்ளும்.
இதற்காக, எங்கள் திரையுலகம் சார்பில் திரைப்பட படப்பிடிப்புகள், பாடல் பதிவு, டப்பிங், எடிட்டிங் உள்ளிட்ட அனைத்து பணிகளும் நடைபெறாது.மேலும், திரையரங்குகளில் காலை முதல் மாலை வரை காட்சிகள் ரத்து செய்யப்படும் என தமிழ் திரைபடத்துறையின் கூட்டமைப்பு அறிவித்துள்ளது.
For English News
