September 9, 2016 
தண்டோரா குழு
கோவை பெரியநாயக்கன்பாளையத்தை அடுத்த நாய்க்கன்பாளையம் ராய ஊத்துப்பதி கிராமத்தில் உள்ள யானைகளுக்கான தண்ணீர் தொட்டியில் 4 வயது மதிக்கத்தக்க ஆண் குட்டி யானை தவறி விழுந்தது. சுமார் 3 மணி நேர போராட்டத்திற்கு பிறகு ஜேசிபி இயந்திரம் மூலம் தண்ணீர் தொட்டியை உடைத்து பெரியநாயக்கன்பாளையம் வனத்துறையினர் யானைக்குட்டியை மீட்டனர்.
கோவை பெரியநாயக்கன்பாளையம் வனச்சரகத்திற்கு உட்பட்ட நாயக்கன்பாளையம் ராயர் ஊத்துபதி கிராமத்தில் இன்று அதிகாலை 5 மணியளவில் 9 காட்டு யானைகள் வந்துள்ளது. அவைகள் அங்குள்ள ரோஸ்கார்டன் என்ற தனியார் தோட்டத்தில் யானைகள் தண்ணீர் குடிப்பதற்காக கட்டப்பட்டிருந்த தொட்டியில் தண்ணீர் குடிக்க வந்துள்ளது.
தொட்டியில் தண்ணீர் குறைவாக இருந்ததால் இறங்கி குடிக்க முற்பட்ட 4 வயது ஆண் குட்டி யானை தவறி 10 அடி ஆழமுள்ள தண்ணீர் தொட்டிக்குள் விழுந்துவிட்டது. உடனிருந்த மற்ற யானைகள் அதை மீட்க போராடியபோது ஏற்பட்ட யானைகளின் சத்தம் கேட்டு அப்பகுதி பொதுமக்கள் பெரியநாயக்கன்பாளையம் வனத்துறைக்கு தகவல் தெரிவித்தனர்.
தகவல் அறிந்து சம்பவ இடத்திற்கு வந்த வனத்துறையினர் பட்டாசுகளை வெடித்து அங்கிருந்த மற்ற யானைகளை வனப்பகுதிக்குள் விரட்டினர். தொடர்ந்து கோவை வன அலுவலர் பெரியசாமி மற்றும் மருத்துவர் மனோகரன் அறிவுறுத்தலின் பேரில் யானைக்குட்டியை மீட்க ஜே.சி.பி இயந்திரத்தைக் கொண்டு தண்ணீர் தொட்டியின் ஒரு பகுதியை இடித்து யானைக்குட்டி வெளியே கொண்டு வர முயற்சி மேற்கொண்டனர்.
சுமார் 3 மணி நேர போராட்டத்திற்கு பிறகு குட்டி யானை வெளியே வந்து வனப்பகுதிக்குள் சென்று கூட்டத்துடன் இணைந்தது. இது குறித்து கோவை வன அலுவலர் பெரியசாமி கூறும்போது யானைக்குட்டியை மனிதர்கள் கைகளால் தொட்டு தூக்கினால் மனிதர்களின் வாடையைக் கண்டு அந்த குட்டி யானையை தாய் யானை தன்னுடன் சேர்த்துக் கொள்ளாது எனவே யானைக்குட்டியை மீட்க வனத்துறையினரை ஜேசிபி இயந்திரத்தை பயன்படுத்த அறிவிறுத்தினோம் என தெரிவித்தார்.
நாச்சியார் நெக்ஸ்ட்’ நாட்டிய நாடகம் கோவையில் அரங்கேற்றம்: பாரம்பரியமும் புதுமையும் கலந்த நடன விருந்து
எஸ்எஸ்விஎம்-இன் இந்தியாவை மாற்றும் மாநாடு 2025 ஆனது செயற்கை நுண்ணறிவு மற்றும் மனிதநேயம் குறித்து சக்திவாய்ந்த நுண்ணறிவுகளுடன் தொடங்கியது
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
For English News
