November 23, 2018 
தண்டோரா குழு
புகழ்பெற்ற பல்கலைக்கழகமான ஹார்வர்டு பல்கலைக்கழகத்தின் மாணவர் அமைப்புத் தலைவராக ஸ்ருதி பழனியப்பன் என்ற தமிழ் மாணவி தேர்வு செய்யப்பட்டுள்ளார்.
உலகின் முன்னணி பல்கலைக்கழகங்களில் ஒன்றாக ஹார்வர்டு பல்கலைக்கழகம் இருந்து வருகிறது. இந்த பல்கலைக்கழகத்தில் இளங்கலை மாணவர் அமைப்பின் தலைவர் பதவிக்கான போட்டி சமீபத்தில் நடைபெற்றது. இதில் தலைவர் பதவிக்குப் போட்டியிட்ட ஸ்ருதி பழனியப்பன் 41.5 விழுக்காடு வாக்குகள் பெற்று வெற்றிப்பெற்றார். இவருடன் துணைத் தலைவர் பதவிக்குப் போட்டியிட்ட ஜூலியா ஹியூசா என்ற மாணவியும் வெற்றிப் பெற்றுள்ளார்.
அனைவருக்கும் கல்வி இலவசமாக வழங்கப்படவேண்டும் என்பதை முக்கிய கொள்கையாக கொண்டுள்ள ஷ்ருதி. ‘make Harward home’ என்ற முழக்கத்தை முக்கியமானதாக வைத்து தேர்தல் பிரச்சாரம் மேற்கொண்டார். அமெரிக்க ஜனநாயக கட்சியின் மிக இளம்வயது பிரதிநிதியாக ஷ்ருதி பழனியப்பன் இருந்தார். இவர் 2016ம் ஆண்டு அமெரிக்க ஜனநாயக கட்சியின் அதிபர் வேட்பாளரை தேர்ந்தெடுப்பதில் முக்கியப்பங்காற்றினார் என்பது குறிப்பிடத்தக்கது.
அமெரிக்காவில் வசித்துவருபவர் பழனியப்பன். இவர் கடந்த 1992ம் ஆண்டு தன் குடும்பத்துடன் சென்னையிலிருந்து அமெரிக்காவிற்கு புலம்பெயர்ந்துள்ளார். இவருடைய மகள் ஷ்ருதி பழனியப்பன். 20 வயதே ஆன இவர், புகழ்பெற்ற ஹார்வார்ட் பல்கலைக்கழகத்தின் மாணவ அமைப்பு தலைவராக இந்தாண்டு தேர்வு செய்யப்பட்டிருப்பது அனைவரையும் மகிழ்ச்சியில் ஆழ்த்தியுள்ளது.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
