November 2, 2018 
தண்டோரா குழு
சீமராஜா படத்தை தொடர்ந்து,சிவகார்த்திகேயன் தற்போது ரவிக்குமார் மற்றும் ராஜேஷ்.எம் இயக்கத்தில் நடித்து வருகிறார்.இந்த இரு படங்களை முடித்த பிறகு சிவகார்த்திகேயன் அடுத்ததாக ‘இரும்புத்திரை’ பட இயக்குநர் பி.எஸ்.மித்ரன் இயக்கும் புதிய படத்தில் நடிக்க இருக்கிறார்.
இன்னும் பெயரிடப்படாத இப்படத்தில் இரும்புத்திரை படத்தில் வில்லனாக நடித்த ஆக்ஷன் கிங் அர்ஜுன் முக்கிய கதாபாத்திரத்தில் நடிக்கவிருக்கிறார்.படத்தின் கதாநாயகி மற்றும் சக நட்சத்திரங்கள் முடிவாகவில்லை.ஜார்ஜ் ஒளிப்பதிவு செய்ய,யுவன் சங்கர் ராஜா இசையமைக்கிறார்.
சிவகார்த்திகேயன் நடித்த ‘ரெமோ’,’ ‘வேலைக்காரன்’,‘சீமராஜா’ ஆகிய படங்களை தயாரித்த ஆர்.டி.ராஜா இப்படத்தையும் தயாரிக்கிறார்.மேலும் படப்பிடிப்பு வருகிற பிப்ரவரி மாதம் தொடங்கவுள்ளது.
For English News
