October 15, 2018 
தண்டோரா குழு
சென்னையில் படப்பிடிப்பின் போது பாலியல் தொந்தரவு அளித்ததாக நடிகை ஒருவர் அளித்த புகாரின் பேரில் பிரபல நடிகர் சண்முகராஜன் மற்றும் இயக்குநர் ராஜ்கபூரிடம் போலீசார் விசாரணை நடத்தி வருகின்றனர்.
தனியார் தொலைகாட்சியில் ஒளிபரப்பாகும் சீரியல் ஒன்றின் படப்பிடிப்பு சென்னை கொரட்டூரில் கடந்த 11ஆம் தேதி முதல் நடைபெற்று வருகிறது.இந்த படப்பிடிப்பில் விருமாண்டி,எம்டன் மகன்,சண்டக்கோழி உள்ளிட்ட படங்களில் நடித்த சண்முகராஜன் மற்றும் நடிகர்,நடிகைகள் பலர் கலந்து கொண்டனர்.
இந்நிலையில்,படப்பிடிப்பின் போது நடிகர் சண்முகராஜன் தனக்கு பாலியல் தொந்தரவு கொடுத்ததாக சீரியல் நடிகை ராணியும்,அவரது கணவர் பிரசாந்த் என்பவரும் செங்குன்றம் போலீசாரிடம் புகார் அளித்தனர்.அதில்,சீரியலில் தனக்கு கணவராக நடிக்கும் அந்த நடிகர்,காட்சிகளின் போது தவறான எண்ணத்துடன் தொடுவதாகவும் அந்த நடிகை கூறியுள்ளார்.
மேலும்,அடிப்பது போன்ற காட்சிகளில் தன்னை சண்முகராஜன் உண்மையிலேயே அடித்ததாகவும்,இதுகுறித்து கேட்டபோது தன்னையும்,தனது கணவரையும் சண்முகராஜன் தாக்கியதாகவும் அந்த நடிகை செங்குன்றம் காவல்நிலையத்தில் புகார் அளித்துள்ளார்.இதன் அடிப்படையில் படப்பிடிப்பு தளத்திற்கு விரைந்த போலீசார்,நடிகர் சண்முகராஜன் மற்றும் இயக்குநர் ராஜ்கபூரிடம் விசாரணை நடத்தி வருகின்றனர்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
