September 7, 2018 
தண்டோரா குழு
பா.இரஞ்சித்தின் இயக்கத்தில் வெளியான ‘காலா’ படத்தின் வெற்றியை தொடர்ந்து ரஜினி அடுத்ததாக கார்த்திக் சுப்புராஜ் இயக்கத்தில் நடித்து வருகிறார்.
சன் பிக்சர்ஸ் நிறுவனம் மிக பிரம்மாண்டமாக தயாரித்து வரும் இப்படத்திற்கு அனிருத் இசையமைத்து வருகிறார்.இதுமட்டுமின்றி இப்படத்தில் விஜய் சேதுபதி, பாபி சிம்ஹா,பாலிவுட் நடிகர் நவசுதீன் சித்திக்,திரிஷா,சிம்ரன் ஆகியோர் முக்கிய வேடத்தில் நடித்து வருகின்றனர்.
இப்படத்தின் மூன்றாம் கட்ட படப்பிடிப்பு துவங்கி விறுவிறுப்பாக நடந்து வருகிறது.இதற்கிடையில்,இப்படத்தின் தலைப்பு மற்றும் மோஷன் போஸ்டர் இன்று மாலை 6 மணிக்கு வெளியாகும் என சன் பிக்சர்ஸ் நிறுவனம் அறிவித்திருந்தது.
இந்நிலையில்,இப்படத்தின் பர்ஸ்ட் லுக் மற்றும் மோஷன் போஸ்டரை சன் பிக்சர்ஸ் நிறுவனம் தற்போது வெளியிட்டுள்ளது.இப்படத்திற்கு பேட்ட என பெயரிடப்பட்டுள்ளது.
For English News
