September 7, 2018 
தண்டோரா குழு
விஷாலின் ‘துப்பறிவாளன்’ படத்துக்கு பிறகு மிஷ்கின் இயக்கத்தில் உருவாகும் புதிய படம் ‘சைக்கோ’.இப்படத்தில் ஹீரோவாக உதயநிதி ஸ்டாலின் நடிக்கிறார். அவருக்கு ஜோடியாக அதிதி ராவ் ஹைதரி,நித்யா மேனன் நடிக்கின்றனர்.
‘டபுள் மீனிங் புரொடக்ஷன்ஸ்’ நிறுவனம் தயாரித்து வரும் இப்படத்திற்கு இசைஞானி இளையராஜா இசையமைக்க பி.சி.ஸ்ரீராம் ஒளிப்பதிவு செய்கிறார்.நேற்று படத்தின் டைட்டில் லோகோ வெளியிடப்பட்டது.இதையடுத்து இப்படத்தின் ஷூட்டிங் இன்று (செப்டம்பர் 7ம் தேதி) முதல் துவங்கியுள்ளது.
மேலும்,பிரபல இயக்குநர் ராம் போலீஸ் கதாபாத்திரத்தில் இப்படத்தில் நடிக்கிறார்.இதற்காக வழக்கமாக தாடியுடன் இருக்கும் இயக்குநர் ராம்,இந்த படத்திற்காக தன் தாடியை ஷேவ் செய்துள்ளார்.தற்போது,இப்படத்தின் ஷூட்டிங் ஸ்பாட்டில் எடுக்கப்பட்ட ராமின் ஸ்டில் சமூக வலைதளங்களில் வைரலாக பரவி வருகிறது.
For English News
