September 5, 2018 
தண்டோரா குழு
நாட்டில் பல்வேறு மாநிலங்களில் இந்த ஆண்டு பருவமழை அதிகமாக பெய்துள்ளது. கடந்த சில நாட்களுக்கு முன்பு கேரளாவில் பெய்த பருவ மழைக்கு அந்த மாநிலமே நிலைகுலைந்தது. தற்போது கேரளாவில் மறுசீரமைப்பு பணிகள் நடந்து வருகிறது.
கேரளாவைப் போலவே நாகாலாந்திலும் பருவமழை தற்போது தீவிரமடைந்துள்ளது. பெய்து வரும் கனமழையால் மாநிலமே ஸ்தம்பித்துவிடும் அபாயம் ஏற்பட்டுள்ளது.வெள்ளப்பெருக்கு மற்றும் நிலச்சரிவு உள்ளிட்ட இயற்கை பேரிடரில் சிக்கி இதுவரையிலும் 10-க்கும் மேற்பட்டோர் உயிரிழந்துள்ளனர். மேலும், மழை வெள்ளத்தால் ரூ.800 கோடி அளவில் சேதம் ஏற்பட்டுள்ளதாக அம்மாநில அரசு கணித்துள்ளது.
இதையடுத்து, அம்மாநில முதலமைச்சர் நெய்பு ரியோ நாகாலாந்து மாநிலத்துக்கு நிவாரண நிதியாக ரூ.100 கோடியை மத்திய அரசு வழங்க வேண்டும் என்று கோரிக்கை விடுத்துள்ளார். மேலும், மழையால் தத்தளித்து வரும் நாகாலாந்து மக்களுக்கு உதவுங்கள் என மக்களிடமும் கோரிக்கை விடுத்திருந்தார்.
இந்நிலையில், தோனியின் வாழ்க்கை வரலாறு படத்தில் நடித்த பாலிவுட் நடிகர் சுஷாந்த் சிங் வெள்ளத்தால் பாதிக்கப்பட்ட நாகாலாந்து மக்களுக்காகமுதல்வர் நெய்பு ரியோவை நேரில் சந்தித்து1.25 கோடி ரூபாய் நிதியுதவி அளித்துள்ளார்.
நடிகர் சுஷாந்த் சிங்கேரளாவில் ஏற்பட்ட வெள்ளப்பெருக்கில் தங்கள் உடைமைகளை இழந்த மக்களுக்காகவும், மாநிலத்தின் மறுசீரமைப்பு பணிகளுக்காகவும் 1 கோடி ரூபாய் நிதியுதவி வழங்கியுள்ளார் என்பது குறிப்பிடத்தக்கது.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
