August 23, 2018 
தண்டோரா குழு
கேரளாவில் தென்மேற்கு பருவமழை தீவிரமடைந்து கடந்தவாரம் 100 ஆண்டுகளில் இல்லாத அளவிற்கு கனமழை பெய்தது. கனமழையால் ஏற்பட்ட நிலச்சரிவில் சிக்கி இதுவரை 324 பேருக்கு மேலாக உயிரிழந்துள்ளனர்.
பருவமழையினால் ஏற்பட்ட வெள்ளத்தின் காரணமாக அங்கு மொத்தமுள்ள 14 மாவட்டங்களில் 13 மாவட்டங்கள் கடுமையாக பாதித்தன.தற்போது வெள்ளம் வடிய துவங்கி விட்ட நிலையில் நிவாரண முகாம்களிலிருந்து மக்கள் வீடு திரும்பி வருகின்றனர். இதனால் கனமழையால் பாதிக்கப்பட்டுள்ள கேரள மக்களுக்காக முதலமைச்சரின் பொதுநிவாரண நிதிக்குபல்வேறு மாநில முதல்வர்கள் மற்றும் திரையுலகத்தை சேர்ந்தவர்கள் பலர் நிதியுதவி அளித்து வருகின்றனர்.
இந்நிலையில், கேரள வெள்ளத்தால் பாதிக்கப்பட்ட கேரள மக்களுக்காக சினிமா தயாரிப்பு நிறுவனமான லைக்கா நிறுவனம் ஒரு கோடி ரூபாய் நிதியுதவி வழங்கியுள்ளது. இதற்கான கேரள முதல்வர் பினராயி விஜயனிடம் அந்நிறுவனத்தின் பொது மேலாளர் நிஷாந்தன் நிருபன் வழங்கியுள்ளார்.
For English News
