May 24, 2018 
தண்டோரா குழு
வீரம்,வேதாளம்,விவேகம் படத்தை தொடர்ந்து தல அஜீத் – சிறுத்தை சிவா கூட்டணி விஸ்வாசம் படத்திற்காக இணைந்துள்ளது. இப்படத்தில் அஜித்திற்கு ஜோடியாக நடிகை நயன்தாரா நடித்து வருகிறார். படத்தின் படபிடிப்பு விறுவிறுப்பாக நடந்து வருகிறது.
இந்நிலையில், அஜித்திற்கு ஏற்கனவே காலில் அடிப்பட்டு அறுவை சிகிச்சை செய்யப்பட்டுள்ளது. தற்போது மீண்டும் விஸ்வாசம் படப்பிடிப்பின் போது அவருக்கு காலில் காயம் ஏற்பட்டுள்ளது. இதனால் படப்பிடிப்பை நிறுத்தி விடலாம் என இயக்குனர் சிவா கூறியுள்ளாராம். அதற்கு அஜித் ஷூட்டிங் நிறுத்த வேணாம். ஏற்கனவே ஸ்டிரைக்கால் ஷூட்டிங் காலதாமதமாக தொடங்கியது. என்னால் மீண்டும் ஷூட்டிங் தடைப்பட வேண்டாம் என கூறி வலியை பொறுத்துக் கொண்டு அஜீத் படத்தில் நடித்து வருகிறாராம்.
இதனால் படக்குழுவினர் அஜித்தை கண்டு நெகிழ்ச்சியடைந்துள்ளனர். மேலும் இந்த படம் இந்தாண்டு தீபாவளியன்று வெளியிட வாய்ப்பு உள்ளதாகவும் கூறப்படுகிறது.
For English News
