May 24, 2018 
தண்டோரா குழு
கோவையில் 53 வது ஆண்களுக்கான நாச்சிமுத்து கவுண்டர் கோப்பை 17வது பெண்களுக்கான சி.ஆர்.ஐ பம்ப்ஸ் கோப்பை மே 26ம் தேதி துவங்கவுள்ளது.
கடந்த 52 ஆண்டுக்காக ஆண்களுக்கான கூடைப்பந்து போட்டி மற்றும் 16 வருடங்களாக பெண்களுக்கான கூடைப்பந்து போட்டி போட்டிகள் நடைபெற்று வருகிறது.இந்த ஆண்டிற்கான போட்டி வரும் வரும் மே 26ம் தேதி முதல் 31ம் தேதி வரை நடைபெறவுள்ளது.
இது குறித்து கோவை மாவட்ட கூடைப்பந்து கழக பொறுப்பு செயலாளர் எஸ். சுரஷ் கூறுகையில்,
இப்போட்டியில் ஆண்கள் பிரிவில் இந்திய அளவில் முன்னணியில் உள்ள 8 அணிகள் தேர்வு செய்யப்பட்டுள்ளனர்.இதில்,பஞ்சாப் போலீஸ்,புது தில்லி – இந்திய விமானபடை அணி,சென்னை- வருமானவரி அணி,சென்னை அரைஸ் ஸ்டீல் அணி,டெல்லி – இந்தியன் ரயில்வே அணி,பெங்களூரு, ஏ.சி.எஸ் அணி,புது டெல்லி வருமான வரி அணி மற்றும் கோயமுத்தூர் – கோவை மாவட்ட கூடைப்பந்து கழக அணிகளும் பங்கேற்கின்றன.
அதைபோல் பெண்களுக்கான பிரிவில்,கொல்கத்தா – கிழக்கு இரயில்வே,திருவனந்தபுரம் – கேரளா போலீஸ்,ஹூப்ளி – தென் மேற்கு இரயில்வே,சென்னை அரைஸ் ஸ்டீல்ஸ்,மைசூர் – ஸ்போர்ட்ஸ் ஹாஸ்டல்,திருவனந்தபுரம் – கேரள மாநில மின்சார வாரியம்,தமிழ்நாடு ஜூனியர்ஸ் மற்றும் கோயமுத்தூர் – கோவை மாவட்ட கூடைப்பந்து கழகம் அணிகள் பங்கேற்கின்றன.
ஆண்கள் பிரிவில் வெற்றி பெறும் அணிக்கு முதல் பரிசு 1 லட்சம் ரூபாய் மற்றும் நாச்சிமுத்து கவுண்டர் கோப்பையும், இரண்டாம் பரிசாக 50 ஆயிரம் ரூபாய் மற்றும் டாக்டர்.என் மாகலிங்கம் கோப்பையும்,அரையிறுதியில் தோல்வியடைந்த இரு அணிகளுக்கும் தலா 15 ஆயிரம் ரூபாயும் தேர்வு செய்யப்பட்ட அணிக்கு நன்நடத்தை ரேணுகா ராமாநாதன் நினைவு விருதும் வழங்கப்படும்.
பெண்கள் பிரிவில் வெற்றி பெறும் அணிக்கு முதல் பரிசு50 ஆயிரம் ரூபாய் மற்றும் சி.ஆர்.ஐ பப்ம்ஸ் சுழல் கோப்பையும்,இரண்டாம் பரிசாக 25 ஆயிரம் ரூபாய் மற்றும் சுழல் கோப்பையும், அரையிறுதியில் தோல்வியடைந்த இரு அணிகளுக்கும் தலா 10 ஆயிரம் ரூபாயும் சிறந்த விளையாட்டு சிறந்த நம்பிக்கைகான விளையாட்டு வீராங்கனை விருதும் வழங்கப்படும்.
இப்போட்டிகள் மே 26ம் தேதி துவங்கும் இந்த போட்டியில் 29ம் தேதி வரை சுழல் முறையிலும், பின்னர் ஒவ்வொரு முதல் இரண்டு இடங்களில் உள்ள அணிகள் அரையிறுதிக்கும் தகுதி பெறும். இதில் வெற்றி பெற்ற அணிகள் 31ம் தேதி இறுதி போட்டியில் விளையாடவுள்ளன. போட்டி தினமும் மாலை 5 மணிக்கு வஉசி பூங்கா மாநகராட்சி விளையாட்டு அரங்கத்தில் நடைபெறவுள்ளது என்றார்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
