May 7, 2018 
பிரபல பாலிவுட் நடிகர் ஜாக்கி ஷெராப், இயக்குனர் கஸ்தூரி ராஜாவின் கம்பேக் படத்தில் நடிக்க உள்ளதாக தகவல் வெளியாகி உள்ளது.
நடிகர் தனுஷின் தந்தையும், இயக்குநருமான கஸ்தூரி ராஜா, தமிழில் என் ராசாவின் மனசிலே, துள்ளுவதோ இளமை உள்ளிட்ட பல்வேறு படங்களை இயக்கி உள்ளார். இவர் கடைசியாக, 2006 ஆம் ஆண்டு ‘இது காதல் வரும் பருவம்’ என்ற படத்தை இயக்கினார். அதைத் தொடர்ந்து, படங்கள் எதுவும் இயக்காமல் இருந்து வந்தார்.
இந்நிலையில், அவர் சுமார் 11 ஆண்டுகளுக்குப் பின் ‘பாண்டி முனி’ என்ற படம் ஒன்றை இயக்க உள்ளார். இந்தப் படத்தில் பிரபல பாலிவுட் நடிகர் ‘ஜாக்கி ஷெராப்’ அகோரி வேடத்தில் நடிக்க உள்ளதாக தகவல் வெளியாகி உள்ளது. அவர் ஏற்கனவே, தமிழில் ‘ஆரண்ய காண்டம்’, ‘மாயவன்’ உள்ளிட்ட படங்களில் நடித்துள்ளார் என்பது குறிப்பிடத்தக்கது.
முன்னதாக, இப்படத்திற்கு மது அம்பத் ஒளிப்பதிவு செய்வார் எனவும், ஸ்ரீகாந்த் தேவா இசையமைப்பார் எனவும் தெரிவிக்கப்பட்டுள்ளது.
For English News
