May 3, 2018 
தண்டோரா குழு
தமிழ் திரையுலகில் வளர்ந்து வரும் நடிகர்களுள் ஒருவரான நடிகர் சிவகார்த்திகேயன் தனது அடுத்தப்படத்திற்கான படப்பிடிப்பினை துவங்கியுள்ளார்.
இயக்குனர் பொன்ராம் இயக்கத்தில் தற்போது‘சீம ராஜா’ என்னும் படத்தில் நடித்து வரும் சிவகார்த்திகேயன் ‘இன்று நேற்று நாளை’ படத்தை இயக்கிய ரவிக்குமார் இயக்கத்தில் சயின்ஸ்பிக்ஷன் படத்தில் நடிக்க உள்ளதாக கூறப்பட்டது.
இந்நிலையில்,சிவகார்த்திகேயன் தற்போது இயக்குனர் ரஜேஷ் இயக்கத்தில் பெயர் சூட்டப்படாத படத்தில் நடிக்கவுள்ளார்.இந்த படத்தின் படப்பிடிப்புகள் துவங்கியதாக நடிகர் சிவகார்த்திகேயன் தனது ட்விட்டர் பக்கத்தில் பதிவிட்டுள்ளார்.
ஸ்டுடியோ க்ரீன் ஞானவேல் ராஜா தயாரிக்கும் இப்படத்தில் காமெடி நடிகர் சதீஷ் நடிப்பது உறுதியாகியுள்ளது.‘சீம ராஜா’ முடிந்த பிறகு ரவிக்குமார்,எம்.ராஜேஷ் இயக்கும் படங்களில் ஒரே நேரத்தில் சிவகார்த்திகேயன் நடிப்பார் என்று கூறப்படுகிறது.
For English News
