July 23, 2016 
தண்டோரா குழு
உலகில் வாழும் எத்தனையோ பெண்கள், தங்களது குடும்பத்தை காப்பாற்றப் பல தியாகங்களைச் செய்துள்ளனர். ஆனால், அவர்களுக்கு எல்லாம் ஒரு முன்னுதாரணமாக இதுவரை யாரும் செய்யாத ஒரு விஷயத்தை எகிப்து தாய் ஒருவர் செய்துள்ளார்.
எகிப்து நாட்டைச் சேர்ந்த சிசா அபு தாவோக்(64) திருமணமாகி கர்ப்பிணியாக இருந்த போதே அவருடைய கணவர் இறந்துவிட்டார். பிறகு, அவருக்கு ஒரு அழகிய பெண் குழந்தை பிறந்தது.
அவர்களது குடும்ப வழக்கப்படி, பெண்கள் வேலைக்குச் செல்லக்கூடாது. கணவரை இழந்து, பெண் குழந்தையோடு கஷ்டப்பட்ட சிசா, தனது குழந்தையை கௌரவமாகவும், பாதுகாப்பாகவும் வளர்க்க எண்ணி ஒரு புதுமையான யோசனையைப் பின்பற்றினார்.
அதாவது, அவரைப் பற்றி அறியாத ஒரு கிராமத்துக்குச் சென்ற சிசா, அங்கு ஆண் வேடமிட்டு, ஆண்களுக்கான ஆடையை மிகவும் தொலதொலவென்று தைத்து அணிந்து கொண்டு கட்டடப்பணிகளுக்குச் சென்றார். சாலையோரம் செருப்புக்கு பாலீஷ் போட்டும் பணியையும் செய்தார்.
தற்போது தனது பெண்ணை நல்ல முறையில் வளர்த்து, அவளுக்குத் திருமணம் செய்து வைத்துள்ளார். சுமார் 43 ஆண்டுகளாக ஆண் வேடம் இட்டு ஆண்கள் செய்யும் பணிகளைச் செய்த வந்துள்ளார். இதை அறிந்த அந்த நாட்டின் சமூக சேவை நிறுவனம் ஒன்று அவருக்கு லட்சியத் தாய் என்ற விருது வழங்கிக் கௌரவித்துள்ளது என்பது குறிப்பிடத்தக்கது.
குழந்தை பிறந்த உடனே குப்பைத் தொட்டியில் தூக்கிவீசும் இந்தக்காலத்து மார்டன் பெண்களுக்கு இவரது தியாகமும், மன உறுதியும் ஒரு பாடமாக இருக்கும் என்பது உறுதி.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
