February 14, 2018 
தண்டோரா குழு
நடிகர் தனுஷ் தற்போது மாரி2, என்னை நோக்கி பாயும் தோட்டா, வடசென்னை உட்பட பல படங்களில் நடித்து வருகிறார்.
பவர் பாண்டி படத்தை இயக்கத்தின் மூலம் இயக்குநர் அவதாரம் எடுத்த தனுஷ் அடுத்ததாக புதிய படம் ஒன்றை இயக்கவுள்ளார்.தேனாண்டாள் பிலிம்ஸ் நிறுவனம் தயாரிக்கும் இப்டத்தில் தனுஷும் நடிக்கவுள்ளார்.
இப்படத்தில் நடிக்க நாகார்ஜுனா, ஆந்திர சூப்பர்ஸ்டார் சிரஞ்சீவி ஆகியோரிடம் பேச்சு வார்த்தை நடைபெற்றதாகவும், ஆனால், கால்ஷீட் பிரச்னை காரணமாக இருவரும் நடிக்க முடியாததாக கூறப்படுகிறது.
இந்நிலையில் தற்போது இந்த படத்தில் ஒரு முக்கிய கதாபாத்திரத்தில் நடிக்க கன்னட நடிகர் சுதீப் ஒப்பந்தம் செய்யப்பட்டுள்ளதாக தெரிகிறது. சமீபத்தில் பெங்களூரு சென்ற தனுஷ் அவரிடம் கதையை கூறி ஒப்புதல் வாங்கியுள்ளதாகவும் கூறப்படுகிறது.சுதீப் இதற்கு முன் ‘நான் ஈ’, ‘புலி’ போன்ற படங்களின் மூலம் தமிழ் ரசிகர்களுக்கு பரிச்சயமானவர் என்பது குறிப்பிடத்தக்கது.
For English News
