January 4, 2018 
தண்டோரா குழு
ஷங்கர் இயக்கத்தில் ரஜினி, எமி ஜாக்சன் நடித்து லைகா நிறுவனம் தயாரித்துள்ள படம் 2.0. ரூ.400 கோடி ரூபாய் செலவில் எடுக்கப்பட்டுள்ள இப்படத்திற்கு ஏ.ஆர்.ரகுமான் இசையமைத்துள்ளார்.
இந்நிலையில் இப்படத்தின் டீஸர் மலேசியாவில் நடக்கவுள்ள நட்சத்திர கலைவிழாவில் வரும் ஆறாம் தேதி வெளியாக போவதாக தகவல்கள் வெளியானது.
ஆனால் இந்த செய்தியினை மறுத்த லைக்கா நிறுவனம் பிரமாண்டமாக எடுக்கப்பட்டிருக்கும் இப்படத்தின் டீஸர் பிப்ரவரி மாதம் ஹைதராபாதில் வெளியாகும் என்றும், அதன் தேதி விரைவில் வெளியாகும் என்றும் கூறப்பட்டுள்ளது.
மேலும்,மலேசியாவில் நடைபெறவுள்ள இந்த விழாவில் ரஜினி மட்டுமல்லாது கமலும் கலந்துக்கொள்கிறார். இந்த நிகழ்ச்சியில் விஷாலின் ‘இரும்புத்திரை’, விஜய்சேதுபதியின் ‘நல்ல நாள் பார்த்து சொல்றேன்’ ஆகிய படங்களின் இசை வெளியீடுகள் மற்றும் ‘சண்டைக்கோழி-2’ படத்தின் டீஸர், ‘ஜூங்கா’ படத்தின் பர்ஸ்ட் லுக் போஸ்டர் ஆகியன வெளியாகவுள்ளது
என்பது குறிப்பிடத்தக்கது.
For English News
