January 2, 2018 
தண்டோரா குழு
சூப்பர் ஸ்டார் ரஜினிகாந்த் எப்போது அரசியலுக்கு வருகிறார் என்பதற்கு முற்றுப்புள்ளி வைத்து தன் அரசியல் பிரவேசத்தை ரஜினி அறிவித்தார்.அரசியலுக்கு வருவதை உறுதி செய்து, அதற்கான ஆரம்பகட்ட பணிகளையும் தொடங்கிவிட்டார்.
உலக நாயகன் கமல்ஹாசனும் ஏற்கனவே அரசியலுக்கு வருவதை உறுதி செய்துவிட்டார். எனினும்
கமல் எந்த நேரமும் தன்னுடைய கட்சி குறித்த அறிவிப்பை வெளியிட வாய்ப்பு உள்ளது.
இந்நிலையில் வரும் 6ஆம் தேதி மலேசியாவில் நடைபெறும் தென்னிந்திய நடிகர் சங்கத்தின் நட்சத்திரக் கலைவிழாவில் ரஜினி, கமல் இருவரும் பங்கேற்க உள்ளனர்.
ரஜினியின் அரசியல் அறிவிப்புக்குப் பின்னர் ரஜினி-கமல் கலந்து கொள்ளும் முதல் விழா என்பதால் இந்த விழாவில் இருவரது பேச்சிலும் அரசியல் இருக்கும் என்று எதிர்பார்க்கப்படுகிறது.
இதற்கு முன்னர் ரஜினி-கமல் கலந்து கொண்ட சிவாஜி கணேசன் மணிமண்டப திறப்பு விழாவில் இருவருமே அரசியல் குறித்து பேசினார்கள் என்பது குறிப்பிடத்தக்கது. ஆனால் அதைவிட இந்த விழாவில் அரசியல் கருத்துக்கள் அனல் பறக்கும் என்று எதிர்பார்க்கப்படுகிறது.
For English News
