December 14, 2017 
தண்டோரா குழு
சௌந்தர்யா ரஜினிகாந்தின் ‘வேலையில்லா பட்டதாரி 2’ படத்திற்கு பின் நடிகராக தனுஷ் கைவசம் கெளதம் மேனனின் ‘எனை நோக்கி பாயும் தோட்டா’, வெற்றிமாறனின் ‘வடசென்னை’, பாலாஜி மோகனின் ‘மாரி 2’, கென் ஸ்காட்டின் ‘தி எக்ஸ்ட்ராடினரி ஜேர்னி ஆஃப் தி ஃபகிர்’ ஹாலிவுட் படம் என அடுத்தடுத்து படங்கள் உள்ளன.
தனுஷ், நடிகர் மட்டுமல்லாது பாடகர், பாடலாசிரியர் என பல அவதாரங்களை எடுத்து அதில் வெற்றி கண்டுள்ளார். இதுமட்டுமின்றி ராஜ்கிரணை வைத்து வித்யாசமான கதையை இயக்கி ‘பவர் பாண்டி’ படத்தை எடுத்து, அதிலும் வெற்றியை அடைந்தார்.
இந்நிலையில், சமீபத்தில், மற்றுமொரு புதிய படத்தில் நடிக்க தனுஷ் கமிட்டானார். இப்படத்தை ‘தேனாண்டாள் ஸ்டுடியோ லிமிடெட்’ நிறுவனம் சார்பில் முரளி ராமசாமி – ஹேமா ருக்மணி இணைந்து தயாரிக்கவுள்ளனர். தற்போது, இன்னும் பெயரிடப்படாத இந்த
படத்தை தனுஷே இயக்கவுள்ளதாகவும் தகவல் கசிந்துள்ளது.
மேலும், இப்படம் மெகா பட்ஜெட்டில் உருவாகவிருப்பதாகவும் வெகு விரைவில் படத்தின் டைட்டில், நடிக்கவுள்ள ஹீரோயின், இதர நடிகர்கள் – பணியாற்றவுள்ள தொழில்நுட்ப கலைஞர்களின் பட்டியல் மற்றும் ஷூட்டிங் ப்ளான் குறித்த அறிவிப்பு வெளியாகும் என எதிர்பார்க்கப்படுகிறது.
For English News
