December 14, 2017 
தண்டோரா குழு
தயாரிப்பாளராக இருந்து நடிகராக அவதாரம் எடுத்துள்ள உதய் நிதி பல்வேறு வெற்றி படங்களில் நடித்து வருகிறார். உதயநிதி ஸ்டாலின் நடித்த ‘இப்படை வெல்லும்’ சமீபத்தில் வெளியாகிய நிலையில் அவர் தற்போது ‘நிமிர்’ என்ற படத்தில் நடித்து வருகிறார். பிரியதர்ஷன் இயக்கி வரும் இந்த படத்தில் உதயநிதியுடன் இயக்குனர் மகேந்திரன், சமுத்திரகனி, நமீதா பிரமோத், பார்வதி நாயர் உள்ளிட்ட பலர் நடித்து வருகின்றனர். பெரும் எதிர்பார்ப்பை ஏற்படுத்தியுள்ள இந்த படம் விரைவில் வெளியாகவுள்ளது.
இந்நிலையில், சீனு இயக்கத்தில் உதயநிதி ஹீரோவாக நடிக்கவுள்ளார். இன்னும் பெயரிடப்படாத இப்படத்தை உதயநிதி ஸ்டாலின் தனது சொந்த தயாரிப்பு நிறுவனமான ‘ரெட் ஜெயன்ட் மூவீஸ்’ மூலம் தயாரிக்கவுள்ளார். இதை உதயநிதியே தனது டிவிட்டர் பக்கத்தில் சீனு ராமசாமியுடன் எடுத்துக் கொண்ட புகைப்படத்தோடு உறுதிபடுத்தியுள்ளார்.
இதன் ப்ரீ-புரொடக்ஷன் பணிகள் பரபரப்பாக நடைபெற்று வருகிறதாம். ஷூட்டிங்கை வருகிற ஜனவரி 19-ஆம் தேதி முதல் துவங்கத் திட்டமிட்டுள்ளனர். ஏற்கெனவே, விஷ்ணு – சீனு ராமசாமி கூட்டணியில் வெளியான ‘நீர்ப்பறவை’ படத்தை தயாரித்தது உதயநிதி ஸ்டாலின் என்பது குறிப்பிடத்தக்கது.
For English News
