December 9, 2017 
தண்டோரா குழு
தமிழ், மலையாளம் என இரு மொழிகளிலும் தனது நடிப்பால் ரசிகர்களைக் கவர்ந்தவர், நிவின் பாலி.இவர் நடிப்பில் மலையாளத்தில் வெளியான, ‘பிரேமம்’ திரைப்படம், தமிழிலும் ரசிகர்களை உருவாக்கியது.
மலையாளப் படங்களில் நடித்து வரும் இவர், முதல்முறையாக நேரடி தமிழ்ப் படத்தில் நடிக்கிறார்.இயக்குநர் கெளதம் ராமச்சந்திரன் இயக்கத்தில், ‘ரிச்சி’ என்ற படத்தில் நிவின் பாலி நடித்துள்ளார். இப்படத்தின் ப்ரொமோஷனுக்கு கோவை வந்த நிவின் பாலி அங்கு செய்தியாளர்களிடம் பேசினார்.
அப்போது பேசிய அவர்,
நேரம் படத்திற்கு பின் நேரடியாக நான் நடித்த ரிச்சி வெளியாகி தமிழ் ரசிகர்கள் மத்தியில் நல்ல வரவேற்பை பெற்றுள்ளது மிகவும் மகிழ்ச்சியாக இருக்கிறது. சிறு வயதில் இருந்தே நிறைய படங்களை பார்த்துள்ளேன் அதனால் எனக்கு தமிழ் புரியும். ஆனால் பேச தான் முடியாது. இதனால் தமிழில் டப்பிங் கொடுக்க மிகவும் கஷ்டப்பட்டேன்.
தற்போது தமிழில் சில கதைகளை கேட்டுள்ளேன் விரைவில் அடுத்த தமிழ் படம் குறித்த அறிவிப்பு வரும். த்ரிஷாவுடன் இணைந்து நடிக்கும் படமும் விறுவிறுப்பாக போகின்றது இப்படம் ஜனவரியில் வெளியாகும் என எதிர்பார்க்கிறேன்.
மேலும், இந்தியிலும் ஒரு படம் நடித்து வருகிறேன். தற்போது நான் நடித்து வரும் “காயன் குளம் கொசுன்னி” கேரளாவின் முதல் ராபின்வுட் படம். மிகப்பெரிய பட்ஜெட்டில் உருவாகிவருகிறது. இப்படம் என் கேரியரில் மிக முக்கியமான படமாக இருக்கும் என்றார்.
பி. எஸ்.ஜி.ஆர் கிருஷ்ணம்மாள் மகளிர் கல்லூரியில் தலைமுறையினரை இணைத்தல் என்ற தலைப்பில் 2 நாள் சர்வதேச கருத்தரங்கம் துவங்கியது
கோவையில் நடைபெற்ற ஸ்ரீ ஐயப்ப சுவாமி படி பூஜை விழா
கேஎம்சிஹெச்-ன் 29ஆம் ஆண்டு “KMCH கோவை மாரத்தான் – 4000க் கும் மேற்பட்டோர் பங்கேற்பு
ஈரோடு, திருப்பூர் மற்றும் கோயம்புத்தூர் விமான நிலையத்தில் நேச்சுரல்ஸ் மூன்று புதிய BAE அழகு சாதனை பொருட்கள் விற்பனை நிலையத்தை தொடங்கியுள்ளது
பி.எஸ்.ஜி மருத்துவமனையில் புற்றுநோய் சிகிச்சையில் ஊட்டச்சத்தின் முக்கியத்துவம் குறித்த சர்வதேச கருத்தரங்கு
கோவையில் நடைபெற்ற 37 வது மாவட்ட அளவிலான கராத்தே சாம்பியன்ஷிப் போட்டி
For English News
