December 2, 2017 
தண்டோரா குழு
ஆர்.கே.நகர் தொகுதி இடைத்தேர்தலில் போட்டியிடுவதாக நடிகர் சங்கப் பொதுச்செயலாளர் விஷால் அதிகாரபூர்வமாகஅறிவித்துள்ளார்.
ஆர்.கே.நகர் இடைத்தேர்தல் வரும் டிசம்பர் 21ம் தேதி நடைபெறவுள்ளது. இதில் திமுக சார்பில் மருதுகனேஷ், அதிமுக சார்பில் மதுசூதனன், சுயேட்சையாக டிடிவி தினகரன், பாஜக சார்பில் நாகராஜன் போட்டியிடவுள்ளனர். இதற்கிடையில் நடிகரும், தயாரிப்பாளர் சங்கத் தலைவருமான விஷால், ஆர்.கே.நகரில் போட்டியிடப்போவதாக, நேற்று தகவல் பரவியது. முதலில், இதை விஷால் தரப்பினர் மறுத்தனர்.
இந்நிலையில், ஆர்.கே.நகர் இடைத்தேர்தலில் சுயேட்சை வேட்பாளராக போட்டியிடவுள்ளதாக நடிகர் விஷால் அதிகாரப்பூர்வமாக அறிவித்துள்ளார். இதுமட்டுமின்றி 4ம் தேதி, அவர் வேட்பு மனு தாக்கல் செய்ய உள்ளார் என்று கூறப்படுகிறது.
ஆர்.கே.நகரில் போட்டியிடுவதற்கு, தேவையான அனைத்து தகவல்களையும், விஷால், தன் ரசிகர் மன்ற நிர்வாகிகள் மூலம் திரட்டியுள்ளார் என்பது குறிப்பிடத்தக்கது.
For English News
