December 1, 2017 
தண்டோரா குழு
ஆர்.கே.நகரில் போட்டியிடும் தினகரன்,மருதுகனேஷ், மதுசூதனன் ஆகியோர் தங்கள் சொத்து மதிப்பு விவரங்களை இன்று தாக்கல் செய்தனர்.
ஜெயலலிதா மறைவால் காலியாக உள்ள ஆர்.கே.நகர் தொகுதியில் வருகிற 21ம் தேதி இடைத்தேர்தல் நடைபெற உள்ளது. இதில் திமுக, அதிமுக, தினகரன் அணி என மும்முனை போட்டி நிலவியுள்ளது. இதையொட்டி தேர்தல் களம் சூடு பிடித்துள்ளது.
அதிமுக சார்பில் மதுசூதனன், திமுக சார்பில் மருதுகணேஷ், சசிகலா அணியைச் சேர்ந்த டிடிவி தினகரன் ஆகியோர் தேர்தலில் போட்டியிடுகின்றனர்.இந்நிலையில், இன்று இவர்கள் அனைவரும்வேட்பு மனுக்களைதாக்கல் செய்தனர். வேட்பாளர்கள் வேட்புமனுதாக்கல் செய்யப்பட்ட போது அளிக்கப்பட்ட சொத்து விவரங்கள் வெளியிடப்பட்டுள்ளன.
மதுசூதனன் – அதிமுக
ஆர்.கே.நகர் இடைத்தேர்தலில் போட்டியிடும்,அதிமுக வேட்பாளர் மதுசூதனன் சொத்து மதிப்பு – ரூ.1,49,53,941.
அசையும் சொத்துக்களின் மதிப்பு – ரூ.12,53,941.
அசையா சொத்துக்களின் மதிப்பு – ரூ.1,37,00,000.
மருது கணேஷ் – திமுக
ஆர்.கே.நகர் இடைத்தேர்தலில் போட்டியிடும் மருதுகணேஷின் சொத்து மதிப்பு – ரூ. 12,57,845
அசையும் சொத்துக்களின் மதிப்பு – ரூ. 2,57,845.
அசையா சொத்துக்களின் மதிப்பு – ரூ.10,00,000.
தினகரன் – சசிகலா அணி
ஆர்.கே.நகர் இடைத்தேர்தலில் போட்டியிடும் டிடிவி தினகரன் மொத்த சொத்து மதிப்பு – ரூ.74,17,807.
அசையும் சொத்து -ரூ.16,73,799.
அசையா சொத்து – ரூ.57,44,008.
For English News
