November 28, 2017 
தண்டோரா குழு
2003ம் ஆண்டு, ஹரி இயக்கத்தில்விக்ரம்,திரிஷா ஜோடியாக நடித்து வெளியான படம் சாமி. இப்படம் ரசிகர்கள் மத்தியில் நல்ல வரவேற்ப்பை பெற்றது.
இதனையடுத்து தற்போது இப்படத்தின் இரண்டாம் பாகத்தை ஹரி இயக்கவுள்ளார். இதில் நடிக்க முதலில் ஓகே சொன்ன திரிஷா பின் திடீரென விலகினார். இதனால் த்ரிஷா மீது படக்குழு சார்பாக தயாரிப்பாளர் சங்கத்தில் புகார் அளிக்கப்பட்டது.
இதற்கு அவர் படத்தில் ஒரு காட்சியில் கூட நான் நடிக்கவில்லை. எனவே அதிலிருந்து விலக எனக்கு உரிமையுள்ளது. வாங்கிய பணத்தை திரும்ப கொடுத்துவிடுகிறேன். என்னுடைய சொந்த காரணங்களுக்காக படத்திலிருந்து விலகி விட்டேன் என்று விளக்கம் அளித்துள்ளார்.
த்ரிஷா விலகியதற்கு விளக்கம் அளித்துவிட்டார் என்றாலும் த்ரிஷாவை சமாதானப்படுத்தி நடிக்க வைக்கும் முயற்சிகளும் நடந்து வருகிறது. தயாரிப்பாளர் புகாரால் த்ரிஷாவுக்கு சிக்கல் ஏற்பட்டதால் இனி ‘சாமி 2’ படத்தில்அவர் நடிக்க வாய்ப்பில்லை எனத் தெரிகிறது.
For English News
