November 27, 2017 
தண்டோரா குழு
தமிழ் சினிமாவில் காமெடி நடிகராக அறிமுகமாகி தற்போது நாயகனாக பிசியாகி இருக்கிறார் நடிகர் சந்தானம். ‘சர்வர் சுந்தரம்‘ படம் ரிலீசுக்கு தயாராகி இருக்கும் நிலையில், சந்தானம் தற்போது ‘சக்க போடுபோடு ராஜா’, ‘ஓடி ஓடி உழைக்கனும்‘, ‘மன்னவன் வந்தானடி’ ஆகிய படங்களில் நடித்து வருகிறார்.
நடிகர் சந்தானத்தை ஹீரோவாக வைத்து இயக்குனர் சேதுராமன் இயக்கிய படம் ‘சக்க போடு போடு ராஜா’. இந்தப்படத்தில் சந்தானத்துக்கு ஜோடியாக நடிகை வைபவி சாண்டில்யா நடிக்கிறார். வி.டி.வி. கணேஷ் தயாரித்து வரும் இப்ப்டத்திற்கு சிம்பு முதல் முறையாக இசையமைத்துள்ளார். மேலும் படத்தில் விவேக், சம்பத் ராஜ், ஆர்யன், வி.டி.வி. கணேஷ், ரோபோ ஷங்கர், சஞ்சனா சிங் உட்பட பலர் நடிக்கின்றனர். நடிகர் சிம்பு இசையமைக்கும் இப்படத்தில் இருந்து அனிருத் பாடிய ‘கலக்கு மச்சான்’ என்ற பாடல் வெளியாகி நல்ல வரவேற்பை பெற்றுள்ளது.
இந்நிலையில், இப்படத்தின் இசை வெளியீட்டு விழா டிசம்பர் 6ம் தேதி பிரமாண்டமாக நடத்த படக்குழு திட்டமிட்டுள்ளது. இதில் சந்தானத்திற்கு ஆச்சரியமளிக்கும் வகையில் இந்த இசை வெளியீட்டு விழாவில் நடிகர் தனுஷ் சிறப்பு விருந்தினராக கலந்துகொண்டு இசையை வெளியிடவுள்ளார். சிம்பு இசையமைத்த பாடல்களை தனுஷ் வெளியிடவுள்ளார் என சிம்பு – தனுஷ் ரசிகர்கள் சமூக வலைதளங்களில் கொண்டாடிவருகின்றனர்.
சிம்பு இசையில் யுவன் ஷங்கர் ராஜா, டி.ராஜேந்தர், உஷா ராஜேந்தர் உள்ளிட்டாரும் பாடியிருக்கின்றனர் என்பது குறிப்பிடத்தக்கது.
பி. எஸ்.ஜி.ஆர் கிருஷ்ணம்மாள் மகளிர் கல்லூரியில் தலைமுறையினரை இணைத்தல் என்ற தலைப்பில் 2 நாள் சர்வதேச கருத்தரங்கம் துவங்கியது
கோவையில் நடைபெற்ற ஸ்ரீ ஐயப்ப சுவாமி படி பூஜை விழா
கேஎம்சிஹெச்-ன் 29ஆம் ஆண்டு “KMCH கோவை மாரத்தான் – 4000க் கும் மேற்பட்டோர் பங்கேற்பு
ஈரோடு, திருப்பூர் மற்றும் கோயம்புத்தூர் விமான நிலையத்தில் நேச்சுரல்ஸ் மூன்று புதிய BAE அழகு சாதனை பொருட்கள் விற்பனை நிலையத்தை தொடங்கியுள்ளது
பி.எஸ்.ஜி மருத்துவமனையில் புற்றுநோய் சிகிச்சையில் ஊட்டச்சத்தின் முக்கியத்துவம் குறித்த சர்வதேச கருத்தரங்கு
கோவையில் நடைபெற்ற 37 வது மாவட்ட அளவிலான கராத்தே சாம்பியன்ஷிப் போட்டி
For English News
