November 23, 2017 
தண்டோரா குழு
சிறுத்தை சிவா இயக்கத்தில் வீரம், வேதாளம், விவேகம் படத்தை தொடர்ந்து நான்காவது முறையாக அஜித் சிவா இயக்கத்தில் நடிக்கவிருக்கிறார்.
இப்படத்துக்கு விசுவாசம் என்று தலைப்பு வைக்கப்பட்டுள்ளதாகவும், விவேகம் படத்தை தயாரித்த சத்யஜோதி பிலிம்ஸ் இந்த படத்தையும் தயாரிக்க இருப்பதாகவும் தீபாவளியன்று படம் வெளியாகும் என்றும் இன்று அதிகாரப்பூர்வமாக அறிவிக்கப்பட்டுள்ளது.
சிவா இயக்கத்தில் அஜித் நடித்த ‘வேதாளம்’, ‘விவேகம்’ ஆகிய இரு படங்களுக்கும் அனிருத் தான் இசையமைத்திருந்தார்.ஆனால் அஜித்தின் அடுத்த படமான ‘விசுவாசம்’ படத்தில் யுவன் ஷங்கர் ராஜா இசையமைக்க இருப்பதாக கூறப்படுகிறது. இது தொடர்பாக அவரிடம் பேச்சு வார்த்தை நடந்து வருகிறதாம். அதில், யுவன் ஒப்புக்கொண்டதாகவும் கூறப்படுகிறது. எனினும் இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
அஜித் யுவன்ஷங்கர்ராஜா கூட்டணியில் `பில்லா’, `ஏகன்’, `மங்காத்தா’, `பில்லா 2′, ஆரம்பம்’ உள்ளிட்ட பல படங்களுக்கு இசையமைத்திருக்கிறார்.இந்த படத்தின் பாடல்கள் அனைத்துமே ஆல்பம் ஹிட்டானது. இந்நிலையில்,அஜித் – யுவன் மீண்டும் இணைந்தால் அது அஜித் ரசிகர்களுக்கு இசை விருந்தாக அமையும் என்பதில் சந்தேகமில்லை. ‘விசுவாசம்’ படத்தின் படப்பிடிப்பு 2018 ஜனவரியில் தொடங்க இருக்கிறது என்பது குறிப்பிடத்தக்கது.
For English News
