October 17, 2017 
தண்டோரா குழு
தமிழ் சினிமாவில் அஜித், விஜய் என பல முன்னணி நடிகர்களுடன் நடித்தவர் நமீதா. உடல் எடையால் தற்போது வாய்ப்புகள் இல்லாமல் தவித்து வருகிறார்.
சமீபத்தில் பிக் பாஸ் நிகழ்ச்சிக்கு பிறகு வாய்ப்புகள் குவியும் என எதிர்பார்த்த நமீதாவுக்கு ஏமாற்றம் மட்டும் தான் மிஞ்சியது. காரணம் ரசிகர்களிடையே அவ்வளவாக அவருக்கு வரவேற்பு கிடைக்கவில்லை. இந்நிலையில், தற்போது நமீதா மூத்த நடிகரான சரதபாபுவை திருமணம் செய்து கொள்ள இருப்பதாக தெலுங்கு ஊடகங்கள் செய்திகள் வெளியிட்டன.
இந்த தகவல் சமூக வலைத்தளங்களில் அதிகமாக பரவியது. ஆனால் இதுபற்றி நமீதா எதுவும் வாய் திறக்காமல் உள்ளார். எனினும், நான் நமிதாவுடன் 8 வருடங்களுக்கு முன்பு இணைந்து நடித்த போதில் இருந்தே இப்படியான வதந்தி இருந்து கொண்டே தான் உள்ளது எனவும் அப்படியெல்லாம் ஒன்றும் இல்லை இவை வெறும் வதந்திகள் தான் என்றும் நடிகர் சரத்பாபு கூறியுள்ளார்.
மேலும், நான் நமீதாவை பார்த்தே இரண்டு வருடங்கள் ஆகின்றது. இனிமேலும் அவருடன் என்னை இணைத்து பேசுவது இருவரையும் பாதிக்கும் என்பதை புரிந்து கொள்ளுங்கள் என கூறியுள்ளார்.
For English News
