October 11, 2017 
tamilsamayam.com
அஜீத் நடித்த படங்கள் எத்தனை வந்தாலும் அவரது திரைப்பயணத்திற்கு ‘பில்லா’ படம்தான் மாஸ் என்று படத்தின் தயாரிப்பாளர் கூறியுள்ளார்.
தமிழ் சினிமாவை பொறுத்தவரை ஏதாவது ஒரு படம் வசூலில் ட்ரெண்ட் செட் படைக்கும். அப்படித்தான் ரஜினி நடித்த ‘சிவாஜி’யும், கமல் நடித்த ‘தசவதாரம்’ ஆகிய படங்கள் தமிழ் சினிமாவை வேறு லெவலுக்கு கொண்டு சென்றது. அந்த வகையில் அஜீத் நடித்த பில்லா அவருக்கு மட்டுமின்றி தமிழ் சினிமாவிலும் ஒரு மைல் கல்லாக அமைந்தது, ஹாலிவுட் ஸ்டைலில் எடுக்கப்பட்ட தமிழ் படம் என்று அப்போதே பெருமையாக பேசப்பட்டது.
‘பில்லா’ படத்தை முதல் இரண்டு நாட்களில் தமிழகத்தில் மட்டுமே 13 லட்சத்திற்கும் அதிகமானோர் பார்த்து ரசித்துள்ளனர். இதையே தான் பில்லா தயாரிப்பாளர்கள் விளம்பரமாக அப்போது பயன்படுத்தினர். இதன் மூலம் இரண்டு நாளில் ரூ. 10 கோடி வரை இப்படம் வசூல் செய்ததாக கூறப்பட்டது. என்ன தான் அஜீத்தின் படத்திற்கு தற்போது பெரிய ஓப்பனிங் இருந்தாலும், ‘பில்லா’ படம் தான் அவரின் மாஸ் திரைப்பயணத்திற்கு மிகப்பெரும் திருப்புமுனையாக அமைந்தது என்றார் ‘பில்லா’ பட தயாரிப்பாளர்.
For English News
