October 9, 2017 
tamilsamayam.com
பைரவா படத்தை விட குறைவாக அதே சமயம் தெறி படத்தை விட அதிகமான ரன்னிங் நேரத்தை மெர்சல் படம் கொண்டுள்ளது.
மெர்சல் திரைப்படம் பல்வேறு பிரச்சனைகளை சந்தித்து தீபாவளியன்று திரைக்கு வருவதற்கு தயாராகி வருகிறது. நேற்று இப்படத்தின் புரமோ வெளியானது. இந்த புரமோவில் நடிகர் வடிவேலு கிரிக்கெட் விளையாடுவது போன்ற காட்சி இடம் பெற்று இருந்தது. மேலும், சிலாக்கி டும் என்ற வார்த்தையை பயன்படுத்தி இருப்பார். இதற்கு என்ன அர்த்தம் என்று தெரியவில்லை. ஆனாலும், இந்த வார்த்தை சமூக வலைதளங்களில் வைரலாகி வருகிறது.
வடிவேலும், விஜய்யும் எது சொன்னாலும் அது டிரெண்டாகி விடுகிறது. மேலும், இந்தப் படத்தின் ரன்னிங் நேரமும் வெளியாகியுள்ளது. விஜய்யின் பைரவா படம் 2 மணி நேரம் 48 நிமிடங்கள் ஓடியது. தெறி படம் 2 மணி நேரம் 38நிமிடங்கள் ஓடியது. ஆனால். மெர்சல் படத்தின் நேரம் 2 மணி 47 நிமிடங்கள் என்று வெளியாகியுள்ளது.
For English News
