September 16, 2017 
தண்டோரா குழு
தெரி படத்தின் வெற்றியை தொடர்ந்து அட்லீ இயக்கத்தில் விஜய் நடித்திருக்கும் படம் ‘மெர்சல்.தேனாண்டாள் பிலிம்ஸ் நிறுவனம் பிரம்மாண்டமாக தயாரித்திருக்க்கும் இப்படத்தில் சமந்தா, காஜல் அகர்வால், நித்யாமேனன், வடிவேலு, சத்யராஜ், எஸ்.ஜே.சூர்யா, யோகிபாபு உள்ளிட்ட பலர் நடித்திருக்கிறார்கள்.
இந்நிலையில், இப்படத்தின் பாடல் அண்மையில் வெளியிடப்பட்டது. அதனைத்தொடர்ந்து டீஸர் எப்போது வெளியீடு என்பதை தேனாண்டாள் பிலிம்ஸ் ஹேமா ருக்மணி தனது ட்விட்டர் பக்கத்தில் இன்று (செப்டம்பர் 16) மாலை 6 மணிக்கு அறிவிப்பார் என்று படக்குழு தெரிவித்தது.
அதன்படி, “செப்டம்பர் 21-ம் தேதி மாலை 6 மணிக்கு ‘மெர்சல்’ டீஸர் வெளியீடு” என்று ஹேமா ருக்மணி அறிவித்துள்ளார். இதன் மூலம், பெரும் எதிர்பார்ப்பில் இருக்கும் ‘மெர்சல்’ படத்தின் விளம்பரப்படுத்தும் பணிகளை படக்குழு துவங்கியுள்ளது.
For English News
