September 1, 2017 
தண்டோரா குழு
ஜப்பானில் இரண்டாம் உலக போரின் போது அமெரிக்கா நடத்திய அணுகுண்டு வீச்சில் காயத்துடன் உயிர் தப்பிய டானிகுச்சி(88) என்பவர் உடல் நிலை சரியில்லாமல் நேற்று உயிரிழந்தார்.
கடந்த 1945ஆம் ஆண்டு இரண்டாம் உலகப்போரின் இறுதியில், ஜப்பான் நாட்டின் ஹிரோஷிமா நாகாசாகி ஆகிய இரண்டு நகரங்கள் மீது அமெரிக்க அணுகுண்டை வீசியது.இதில் சுமார் 7௦,௦௦௦ பேர் உயிரிழந்தனர். பலர் பலத்த காயங்களுடன் உயிர் தப்பினர்.அப்படி உயிர் தப்பியவர்களில் டானிகுச்சியும் ஒருவர்.
இச்சம்பவம் நடந்தபோது அவருக்கு 16 வயது, சம்பவ இடத்திலிருந்து சுமார் 1.8 கிலோமீட்டர் தூரத்தில் தனது சைக்கிளில் பயணம் செய்துக்கொண்டிருந்தபோது, அணுகுண்டு வீசப்பட்டது.அதில் அவருடைய முதுகு மற்றும் இடது கையில் பலத்த தீ காயம் ஏற்பட்டது. தீவிர சிகிச்சைக்கு பிறகு உயிர் பிழைத்தார். பின்னர் தபால்காரராக பணி செய்தார்.
இதன்பிறகு, அணுகுண்டு தயாரிப்பு மற்றும் அதை பயன்படுத்துவதை எதிர்த்து போராடி வந்தார். அதன் காரணமாக அவருக்கு நோபல் பரிசு வழங்கப்பட வேண்டும் என்று சிபாரிசு செய்யப்பட்டது. கடைசியாக அவர் புற்று நோயால் பாதிக்கப்பட்டு இருந்தார். இந்த நோய்க்கு கூட அணுகுண்டு வீச்சு தான் காரணமாக இருக்கலாம் என்று கூறப்பட்டு வந்த நிலையில் நேற்று (ஆகஸ்ட் 31) காலமானார்.
6 மாநிலங்களில் களைகட்டிய ஈஷா கிராமோத்சவம் இரண்டாம் கட்டப் போட்டிகள் -பெங்களூருவில் சத்குருவுடன் ராபின் உத்தப்பா பங்கேற்பு
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
For English News
