August 26, 2017 
தண்டோரா குழு
அமெரிக்காவில் தொண்டையில் உணவு சிக்கி மூச்சு விடமுடியாமல் இருந்தவருக்கு முதல் உதவி செய்ததன் விளைவாக, ஒரு இளைஞருக்கு ஆம்புலன்ஸ் சேவையில் துணை மருத்துவ பணி கிடைத்தது.
அமெரிக்காவின் கலிபோர்னியா மாகணத்தின் சாக்ரமெண்டோ நகரை சேர்ந்த வில் ஸ்டீவர்ட் துணை மருத்துவ பணியில் சேர அங்கிருந்த ஒரு மருத்துவமனைக்கு விண்ணப்பம் அனுப்பியிருந்தார். அவருடைய விண்ணப்பத்தை கண்ட அந்த மருத்துவமனை அதிகாரி, நேர்காணலுக்கு வரவேண்டும் என்று தகவல் அனுப்பினார்.
இதையடுத்து, அந்த நேர்காணலுக்கு செல்லும் முன், சாக்ரமெண்டோ நகரிலிருந்த உணவு விடுதியில் உணவருந்த சென்றார். அப்போது, அங்கு உணவருந்திக்கொண்டிருந்த மற்றொருவருக்கு, உணவு தொண்டையில் சிக்கிக்கொண்டதால் மூச்சு திணறல் ஏற்பட்டது.உடனே ஸ்டீவர்ட், தொண்டையில் சிக்கிருந்த உணவை வெளியே எடுக்கும் ‘ஹெம்ளிச் மனேவர்’ சிகிச்சையை தந்தார். இதனால் தொண்டையில் சிக்கியிருந்த உணவு வெளியே வந்தது. சிறிது நேரத்திற்கு பிறகு, ஆம்புலன்ஸ் சேவை மேற்பார்வையாளர் பிரெட் மோட்லோ என்பவர் ஸ்டீவர்டை நேர்கானல் எடுத்தார்.
அதன் பிறகு, இருவரும், சம்பவம் நடந்த இடத்திற்கு மீண்டும் வந்தனர். ஸ்டீவர்ட் ஆம்புலன்ஸ் சேவையின் துணை மருத்துவ பணியில் சேர முயற்சி செய்தார் என்று தெரியவந்தது. உடனே, ஸ்டீவர்டு ஒரு மனிதனின் உயிரை காப்பாற்றிய சம்பவத்தை அந்த அதிகாரியிடம் அந்த உணவு விடுதியின் உரிமையாளர் தெரிவித்தார். அதை கேட்ட அந்த அதிகாரி, ஸ்டீவர்டுக்கு ஆம்புலன்ஸ் சேவையின் துணை மருத்துவ பணியை கொடுத்தார்.
வரும் அக்டோபர் மாதம் முதல், சாக்ரமெண்டோ நகரின் சான் லூயிஸ் ஆம்புலன்ஸ் சேவையில் தனது பணியை ஸ்டீவர்ட் தொடங்குவார் என்பது குறிப்பிடத்தக்கது.
சென்னையில் பிரபலமான கஃபே டி கோவை பீளமேட்டில் திறப்பு !
தி கேம்ஃபோர்டு சர்வதேச பள்ளியின் 16-ஆவது ஆண்டு விழா மற்றும் நிறுவனர் தின விழா
சுத்தமான காற்று நம் எல்லா தலைமுறைக்கும் தவிர்க்க முடியாத தேவை – யூனியன் வங்கி சார்பில் நடைபெற்ற ஊழல் தடுப்பு விழிப்புணர்வு வார விழாவில் வனிதா மோகன் பேச்சு
கோவை எம் இன் ஹோட்டல்ஸில் 1 டன்கிறிஸ்துமஸ் கேக் கலவை கலக்கும் திருவிழா !
வேகா ஜூவல்லரி சார்பில் மணப்பெண்களுக்கான அழகு மிளிரும் தங்க நகை கண்காட்சி கோவையில் துவக்கம்
கோயம்புத்தூர் விழாவின் 18வது பதிப்பு கோலாகலமாக துவக்கியது
For English News
