July 31, 2017 
தண்டோரா குழு
விக்னேஷ் சிவன் இயக்கத்தில் நடிகர் சூர்யா – நடிகை கீர்த்தி சுரேஷ் மற்றும் பலர் நடிப்பில் உருவாகி வரும் திரைப்படம் `தானா சேர்ந்த கூட்டம்’.
இப்படத்தின் இரண்டு ஃபர்ஸ்ட் லுக் போஸ்டர்கள் நடிகர் சூர்யா பிறந்தநாளன்று வெளியாகி ரசிகர்களிடையே நல்ல வரவேற்பை பெற்றது. இதற்கிடையில் படத்தின் இசையமைப்பாளர் அனிருத் நானா தான வீணா போன என்ற வரிகளில் துவங்கும் சிங்கிள் டிராக்கை வெளியிட்டார்.
ஸ்டூடியோ கிரீன் ஞானவேல் ராஜா மற்றும் நடிகர் சூர்யாவின் 2டி என்டர்டெயின்ட்மண்ட் இணைந்து தயாரிக்கும் இப்படத்தில்,முக்கிய கதாபாத்திரத்தில் நவரச நாயகன் நடிகர் கார்த்திக் நடித்து வருகிறார்.
இந்நிலையில், சமீபத்தில் இப்படத்தின் இயக்குநர் விக்னேஷ் சிவன் அளித்த ஒரு பேட்டியில்,
நடிகர் கார்த்திக் இப்படத்தில் வில்லன் கதாபாத்திரத்திலா நடிக்கிறார் என்று கேள்வி கேட்டதற்கு அவர் கூறியதாவது, அது அவரது கதாபாத்திரத்தை பார்க்கும் பார்வையை பொறுத்தது. நடிகர் கார்த்தியின் பார்வையில் நடிகர் சூர்யாக் கூட வில்லனாக தெரியலாம் என்று கூறியிருக்கிறார்.
For English News
