July 25, 2017 
தண்டோரா குழு
ஆவணப்பட இயக்குனர் திவ்யபாரதி மதுரை ஆணையூரில் போலீசாரால் இன்று கைது செய்யப்பட்டுள்ளார்.
மனித கழிவுகளை மனிதர்களே அகற்றுவது தொடர்பான கக்கூஸ் ஆவணப் படத்தை இயக்கியவர் திவ்யபாரதி.இந்த ஆவணப்படத்திற்கு நல்ல வரவேற்பு கிடைத்தது. எனினும் இதனை பல்வேறு இடங்களில் திரையிட போலீசார் அனுமதி மறுத்து வந்தனர்.
இந்நிலையில், தாழ்த்தப்பட்ட மக்களுக்காக தொடர்ந்து குரல் கொடுத்து வந்த திவ்யபாரதி 2009ல் மாணவராக இருந்த போது நடைபெற்ற போராட்டத்தில் பங்கேற்றதால் தற்போது கைது செய்யப்பட்டார். 8 ஆண்டுகளுக்கு முன்பு தொடரப்பட்ட வழக்கில் திவ்யா மதுரை ஆனையுரில் போலீசாரால் கைது செய்யப்பட்டுள்ளார்.கைது செய்யப்பட்ட திவ்யபாரதியை ஆகஸ்ட் 8வரை நீதிமன்றக் காவலில் சிறையில் அடைக்க உத்தரவிடப்பட்டுள்ளது.
மாணவி வளர்மதி, மாணவர் குபேரன் வரிசையில் தற்போது திவ்யபாரதி கைது செய்யப்பட்டுள்ளார் என்பது குறிப்பிடத்தக்கது.
For English News
