July 25, 2017 
tamilsamayam.com
செல்வராகவன் இயக்கத்தில் சூர்யா நடிக்கும் படத்தில் அவருக்கு ஜோடியாக நடிகை ராகுல் ப்ரீத் சிங் நடிக்கிறார்.
நடிகை ராகுல் பரீத் சிங் தற்போது ‘ஸ்பைடர்’ படத்தில் மகேஷ்பாபுவுக்கு ஜோடியாக நடித்து வருகிறார். இந்தப் படம் தமிழ், தெலுங்கு என இரு மொழிகளில் வெளியாகவுள்ளது. இந்நிலையில் இந்தப் படத்தில் நடிக்கும்போதே தமிழில் கார்த்தியின் ஜோடியாக ‘தீரன் அதிகாரம் ஒன்று’ படத்தில் நடிக்க வாய்ப்பு வந்தது. அந்தப் படத்திலும் கார்த்திக்கு ஜோடியாக நடித்து வருகிறார்.
தற்போது கார்த்தியின் அண்ணன் சூர்யா நடிக்கும் படத்தில் அவருக்கு ஜோடியாக ராகுல் ப்ரீத் சிங் நடிக்க ஒப்பந்தமாகியுள்ளதாக தெரிகிறது. இந்தப் படத்தை இயக்குனர் செல்வராகவன் இயக்கவுள்ளார். ‘நெஞ்சம் மறப்பதில்லை’ படத்தை அடுத்து ‘மன்னவன் வந்தானடி’ படத்தை இயக்கி வருகிறார் இயக்குனர் செல்வராகவன். அந்தப் படத்தை முடித்ததும் சூர்யாவின் 36வது படத்தை இவர் இயக்குகிறார். இந்த படம் குறித்து அதிகாரப்பூர்வ அறிவிப்பு விரைவில் வெளியாகும் என்று தெரிகிறது.
For English News
