July 20, 2017 
தண்டோரா குழு
தனுஷ் நடித்த ‘வேலையில்லா பட்டதாரி 2’ ரிலீஸ் தேதி ஆகஸ்ட் மாதத்துக்கு தள்ளிப்போனதாக இயக்குனர் சௌந்தர்யா ரஜினிகாந்த் தெரிவித்துள்ளார்.
நடிகர் தனுஷ் – அமலா பால் ஆகியோரை வைத்து சௌந்தர்யா ரஜினிகாந்த் இயக்கிய படம் ‘வேலையில்லா பட்டதாரி 2’. இந்தப் படம் 2014ஆம் ஆண்டு வெளியான ‘வேலையில்லா பட்டதாரி’ படத்தின் தொடர்ச்சியாக உருவாகியுள்ளது. பாலிவுட் நடிகை கஜோல், இந்தப் படத்தின் மூலம் மீண்டும் தமிழுக்கு வந்திருக்கிறார். படத்திற்கு ஷான் ரோல்டன் இசையமைத்துள்ளார். இந்தப் படத்தில், சமுத்திரக்கனி, விவேக் உள்ளிட்ட பலர் நடித்துள்ளனர்.
இந்தப் படம், தனுஷின் பிறந்தநாளான 28ம் தேதி வெளியாகும் என முன்னர் அறிவிக்கப்பட்டிருந்தது. ஆனால், தற்போது சில தவிர்க்க முடியாத காரணத்தினால் இப்படம் ஆகஸ்ட் மாதம் வெளியாகும் என செளந்தர்யா ரஜினிகாந்த் தனது டுவிட்டர் பக்கத்தில் தெரிவித்துள்ளார்.
For English News
