July 8, 2017 
tamilsamayam.com
பாலிவுட்டின் டான்ஸ் மாஸ்டரான கணேஷ் ஆச்சார்யா தன்னுடைய உடல் எடையை 85 கிலோவாக குறைத்துள்ளார்.
பிரபுதேவா நடித்த ஆடலாம் பாய்ஸ் சின்னதா டான்ஸ் (ஏபிசிடி) படத்தில் டான்ஸராக நடித்திருப்பார் பாலிவுட்டின் கணேஷ் ஆச்சார்யா. இவர் ஜீவா நடித்த ரௌத்திரம் படத்தில் வில்லனாக நடித்துள்ளார். பாலிவுட்டின் டான்ஸ் மாஸ்டரான இவர் தன்னுடைய 200 கிலோ உடல் எடையால் அவதிப்பட்டு வந்தார்.
இந்நிலையில், இதற்கு ஒரு முற்றுப்புள்ளி வைக்க வேண்டும் என்ற நிலையில் கிட்டத்தட்ட ஒன்றரை வருடமாக ஜிம்மே கதி என்று இருந்து தன்னுடைய உடல் எடையை தற்போது 85 கிலோவாக குறைத்துள்ளார்.
இது குறித்து அவர் கூறுகையில்
ஆச்சார்யா என்றால் முதலில் ஞாபகத்திற்கு வருவது என்னுடைய உடல் தான். அதனை மாற்றத்தான் என்னுடைய உடல் எடையை குறைக்க வேண்டும் என்று விரும்பினேன். இதன் காரணமாக நான் ஒன்றரை வருடமாக உடல் எடையை குறைக்கும் முயற்சியில் தொடர்ந்து ஈடுபட்டு வந்தேன்.
மேலும், டான்ஸ் மீது எனக்கு ஆர்வம் அதிகம். பல படங்களில் டான்ஸ் மாஸ்டராக நடித்திருக்கிறேன். ஆனால், என் உடல் எடை 200 கிலோவாக இருந்தாலும் டான்ஸை விட்டதில்லை. தற்போது என்னுடைய டான்ஸ் எனர்ஜி கூடியிருப்பதாக உணர்கிறேன் என்று தெரிவித்துள்ளார்.
For English News
