July 4, 2017 
tamilsamayam.com
ஜிஎஸ்டி வரிவிதிப்பிற்கு திரை உலகினர் அனைவரும் அமைதியாக இருந்து வரும் நிலையில் வனமகன் நாயகி சயிஷா மட்டும் எதிர்த்து குரல் கொடுத்துள்ளார்.
ஜூலை 1 முதல் நாடு முழுவதும் ஜிஎஸ்டி அமல்படுத்தப்பட்டுள்ளது. இதற்கு திரை உலகினர் யாரும் எதிர்ப்பு தெரிவிக்கவில்லை. கேளிக்கை வரியை நீக்க வேண்டும் என்று சொல்லும் திரைபிரபலங்கள் கூட ஜிஎஸ்டி பற்றி பேச தயங்குகின்றனர். ரஜினி, கமல், அஜித், விஜய் என யாரும் ஜிஎஸ்டி குறித்து எதுவும் பேசவில்லை. ஆனால் ஒரு தமிழ் படத்தில் மட்டுமே நடித்துள்ள சயிஷா ஜிஎஸ்டிக்கு எதிராக குரல் கொடுத்துள்ளார்.
வனமகன் படம் மூலம் தமிழ் சினிமாவில் அறிமுகமானவர் நடிகை சயிஷா. பாலிவுட் சூப்பர் ஸ்டார் திலீப் குமாரின் பேத்தி இவர். ஜிஎஸ்டி வரி விதிப்பு குறித்து தனது டுவிட்டர் பக்கத்தில் சயிஷா கருத்து தெரிவித்துள்ளார். அதில் அதிக வரி வதிப்பு என்பது ஏற்புடையது அல்ல. அது முற்றிலும் நியாயமற்றது. திரையரங்குகள் மூடியிருப்பது வருத்தம் அளிக்கிறது. தயாரிப்பாளர்களும் வெகுவாக பாதிக்கப்படுகின்றனர் என்று கருத்து தெரிவித்துள்ளார்.
For English News
