May 27, 2017 
தண்டோரா குழு
மதுரை காமராஜர் பல்கலைக்கழக துணைவேந்தராக செல்லதுரையும், சென்னை பல்கலைகழக துணைவேந்தராக துரைசாமியும் நியமிக்கப்பட்டுள்ளனர் என்று தமிழக உயர் கல்வி அமைச்சர் அன்பழகன் கூறியுள்ளார்.
இதுக்குறித்து அவர் செய்தியாளர்களிடம் கூறியதாவது;
“சென்னை அண்ணாப் பல்கலைகழக துணைவேந்தர் 3 அல்லது 4 மாதத்திற்குள் தேர்வு செய்யப்படுவார். அண்ணா பல்கலைகழகத்துக்கு பரிந்துரை செய்யப்பட்ட 3 பேரை தமிழக பொறுப்பு ஆளுநர் வித்யாசாகர் ராவ் நிராகரித்து விட்டார்.
பட்டங்களில் துணைவேந்தர் கையெழுத்து போடவிட்டாலும் மாணவர்களுக்கு பாதிப்பு கிடையாது. விரைவில் தமிழகத்தில் காலியாக உள்ள துணை வேந்தர்கள் பணியிடங்கள் நிரப்பப்படும்.
துணைவேந்தர் நியமனத்திற்கும், காலதாமதத்திற்கும் பல்வேறு காரணங்கள் உள்ளது. இனி வரும் காலங்களில் துணைவேந்தர் பதவிக்கான கல்வி தகுதி, ஆகியவை கால நிர்ணயம் செய்யப்பட்டுள்ளது.
துணைவேந்தர் பதவி காலியாகும் 6 மாதத்திற்கு முன் தேர்வு பணி துவங்கும்.இதற்காக ஒரு குழு அமைக்கப்பட்டுள்ளது. இந்த குழு நியமனத்திற்கான நபர்கள் பட்டியலை முன்கூட்டியே தயாரித்து பரிந்துரையை வழங்கும். இது தொடர்பாக அவசர சட்டம் கொண்டு வரப்படும்.”
இவ்வாறு அன்பழகன் கூறினார்.
For English News
