May 26, 2017 
தண்டோரா குழு
தூத்துக்குடி தெற்கு மாவட்ட திமுக செயலாளர் என்.பெரியசாமி உடல் நலக்குறைவால் காலமானார்.
திமுக தலைவர் கருணாநிதியால் முரட்டு பக்தன் என்று அழைக்கப்பட்டவர் தென் மாவட்ட திமுகவின் முக்கிய அரசியல்வாதியான தூத்துக்குடி தெற்கு மாவட்ட திமுக செயலாளர் என்.பெரியசாமி.அவருக்கு வயது 78.
உடல் நலக்குறைவால் அவர் சென்னை போரூர் ராமச்சந்திரா மருத்துவமனையில் அனுமதிக்கப் பட்டிருந்தார். இந்நிலையில், இன்று சிகிச்சை பலனின்றி அவர் உயிரிழந்தார்.
30 ஆண்டுகளாக திமுக மாவட்ட செயலாளராக இருந்த என். பெரியசாமி 1986 ஆம் ஆண்டு நகராட்சி தலைவராகவும் 1989, 1996 தேர்தல்களில் வெற்றி பெற்று எம்.எல்.ஏ வாகவும் தேர்வு செய்யப்பட்டு இருக்கிறார். தற்போது என்.பெரியசாமியின் மகள் கீதா ஜீவன் எம்.எல்.ஏவாக உள்ளார்.
தூத்துக்குடி மாவட்டம் தட்டார் மடத்தைச்சேர்ந்த பெரியசாமி நெருக்கடி நிலையின் போது மிசா சட்டத்தின் கீழ் கைது செய்யப்பட்டவர் ஆவார் என்பது குறிப்பிடத்தக்கது.
For English News
