May 17, 2017 
தண்டோரா குழு
ஹரி இயக்கத்தில் கடந்த 2003ம் ஆண்டு விக்ரம் நடிப்பில் வெளிவந்து சூப்பர் ஹிட் ஆன படம் ‘சாமி’. இந்த படத்தின் இரண்டாம் பாகத்தை ஹரி இயக்கவுள்ளார். இதற்கான வேலைகள் முழுவீச்சில் நடந்து வருகிறது. இப்படத்தில் விக்ரம் ஜோடியாக கீர்த்தி சுரேஷ் மற்றும் திரிஷா ஆகியோர் நடிக்க ஒப்பந்தமாகியுள்ளார்கள்.
தற்போது இந்த படத்தின் இசையமைப்பாளர் யார் என்பதை இந்த படத்தின் தயாரிப்பாளர் ஷிபு தமீம் தனது ட்விட்டர் பக்கத்தில் அதிகாரபூர்வ தகவலாக வெளியிட்டுள்ளார்.
ஹரி இயக்கிய சிங்கம், சிங்கம் 2 படங்களுக்கு இசையமைத்த தேவி ஸ்ரீபிரசாத் இந்த படத்திற்கு இசையமைப்பாளராக ஒப்பந்தம் செய்யப்பட்டுள்ளார். விக்ரம் நடித்த கந்தசாமி படத்திற்கு பின்னர் மீண்டும் இவர் விக்ரமுடன் இணைகிறார் என்பது குறிப்பிடத்தக்கது.
For English News
