May 9, 2017 
தண்டோரா குழு
அமெரிக்காவை சேர்ந்த மூதாட்டி ஒருவர் தனது 72 வது வயதில் கல்லூரி படிப்பை முடித்து பட்டம் பெற்றார். ஞாயிற்றுக்கிழமை(மே 7) நடந்த பட்டமளிப்பு விழாவில் அவருக்கு பட்டம் அளிக்கப்பட்டது.
அமெரிக்காவின் தெனெஸ்ஸே மாகணத்தின் உள்ள நாஷ்வில்லே என்னும் நகரில் டார்லேனே முல்லின்ஸ் என்னும் 72 வயது மூதாட்டி வசித்து வருகிறார்.
1962-ம் ஆண்டு டெண்நேச்சே மாகாணத்து பல்கலைக்கழகத்தில் படித்துக்கொண்டிருந்த இவர் ஓட்டப்பந்தய விராங்கனையும் கூட. அதே பல்கலைக்கழகத்தில் படித்துக்கொண்டிருந்த ஜான் முல்லின்ஸ் என்பவரை சந்தித்துள்ளார். அவர்களுடைய நட்பு காதலாக வளர்ந்து, திருமணத்தில் முடிந்தது. அவர்களுக்கு இரண்டு குழந்தைகள் பிறந்தன.
குடும்பத்தை கவனித்து வந்த டார்லேனே படிப்பை தொடர முடியாமல் போய்விட்டது. எனினும் அவர் மனதில் படித்து பட்டம் பெற வேண்டும் என்ற எண்ணம் இருந்தது. 1984-ம் ஆண்டு அவருடைய கணவர் ஜான் பட்டம் பெற்றார் என்பது குறிப்பிடத்தக்கது.
இந்நிலையில் 2௦13-ம் ஆண்டு டார்லேனே தான் படித்த பல்கலைக்கழகத்திற்கு சென்று மீண்டும் படிப்பில் சேர்ந்தார். அதில் அவர் முதல் வகுப்பில் வெற்றி பெற்றார்.
டெண்நேச்சே மாகாணத்து பல்கலைக்கழகத்தில் ஞாயிற்றுக்கிழமை நடந்த பட்டமளிப்பு விழாவில் அவருக்கு பட்டம் கொடுக்கப்பட்டது.
“பட்டம் கிடைத்தது எனக்கு மகிழ்ச்சியாக இருக்கிறது. என்னுடைய நீண்டநாள் கனவு இன்று நிறைவேறியுள்ளது” என்று டார்லேனே முல்லின்ஸ் தெரிவித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
